Mirziyoevning mamlakatimizni

Mijoz turi
Soni
	Yuridik shaxslar	500 dan ortiq
	Jismoniy shaxslar	10 000 dan ortiq
	Jami	10 500 dan ortiq

Investitsiyalashga doir bank ishi. Trastbank investitsiya banki sifatida mamlakatimizda infrastrukturasi rivojlangan, O‘zbekistondagi iqtisodiy islohotlarni faol qo‘llab-quvvatlayotgan, moliya
hamda sanoat sho’balari rivojlanishiga yordam berayotgan eng katta bank hisoblanadi. Bankning investitsiya portfeli to‘qimachilik, oziq-ovqat sanoati, qurilish, agrobiznes, transport va sayyohlik, moliya sho’basi korxonalarining aksiyalarini qamrab olgan. Kichik biznes va hususiy tadbirkorlikni qo‘llab- quvvatlash, uning investitsiya loyihalarini moliyalash – bank faoliyatidagi shubhasiz ustuvor yo‘nalishdir. Aholiga ko‘rsatiladigan xizmatlar doirasini kengaytirish siyosatiga qat’iy amal qilib, bank aholining jalb etilgan mablag‘lari va xususiy omonatlar bo‘yicha mamlakatimiz moliya bozorida yetakchilar safiga qo‘shildi.
Trastbank bo‘lim va filiallari orqali ko‘rsatiladigan elektron xizmatlar doirasi kengayishi, aholining bankka ishonchi ortishi, omonatlar shartlarini maqbullashtirish, yangi depozitlarni ishlab chiqish va joriy etish, xizmatlar sifatini oshirish borasida aniq maqsadli ishlar olib borilishi natijasida mijozlar soni ancha ko‘paydi. Amalga oshirilgan ishlar Trastbankka aholining jalb etilgan depozitlari bo‘yicha O‘zbekistonda peshqadamlik mavqeini egallash imkonini berdi.
Hozirda bankning asosiy kuch-g‘ayrati ustuvor tarmoqlarga xorijiy investitsiyalarni faol jalb etish, kichik va o‘rta biznes loyihalarini amalga oshirish, korporativ va chakana mijozlar doirasini kengaytirish, fond bozoridagi ish samaradorligini oshirish, Trastbankni institutsional rivojlantirish va xususiylashtirish dasturini ishlab chiqish kabi vazifalarga yo‘naltirilmoqda.
Trastbank tuzilishida keng ma’nodagi investitsiya bankini rivojlantirish eng muhim vazifalardan biri hisoblanadi. Bank investitsiyalaridan ko‘zlangan maqsad, hozirgi kunda ham, uzoq muddatli istiqbolda ham bankning tijorat manfaatlari iqtisodiyotni rivojlantirishning ustuvor yo‘nalishlari, mijozlar manfaatlari bilan eng maqbul darajada uyg‘unlashuviga erishishdan, aktivlarni diversifikatsiyalash, xatarni minimallashtirish hamda resurslar samaradorligini oshirishdan iboratdir. Trastbank daromadliligi darajasi yuqori ekani olib borilayotgan kredit va tijorat faoliyatiga puxta o‘ylab yondashilayotgani hamda oqilona konservativ siyosat yuritilayotgani bilan uyg‘unlikda Poytaxtimizda VI bor o‘tkazilgan Toshkent xalqaro investitsiya moliya forumida "Trastbank" XOABB "Oltin portfel" jamoat mukofotiga sazovor bo‘ldi.
Trastbank "O’zbekiston Respublikasi Markaziy banki to’g’risida", "Bank va banklar faoliyati to’g’risida"gi Qonunlariga, O’zbekiston Respublikasi Prezidentining tegishli farmon va qarorlariga, O’zbekiston Respublikasi Markaziy bankining me’yoriy hujjatlari va boshqa qonun hujjatlariga muvofiq o’z faoliyatini olib boradi.

2. 
   rasm. “Trastbank” XABning boshqaruv tizimi
   

“Bank-mijoz” dasturiy kompleksi bank bilan mijoz avtomatlashtirilgan tarzda o’zaro hamjihat ishlashi uchun mo’ljallangan, pul mablag’larini real vaqt rejimida tezkor boshqarish imkoniyatini oshirishda yordam beradi.
Bank mahsulotlarini joriy etish borasida bank tarmog’ini yanada ko’proq modernizatsiya qilish va rivojlantirish davri bo’ldi. Xizmat ko’rsatilayotgan mijozlar uchun taqdim etilayotgan xizmatlar sifatini yaxshilash bankning asosiy vazifasiga aylandi. Bankning o’z resurs bazasi mavjudligi, kredit portfeli to’g’ri diversifikatsiyalangani, istiqbolli daromad manbalari chuqur o’rganilgani va mijozlarning eng qat’iy talablariga javob beradigan keng doiradagi bank mahsulotlari va xizmatlari joriy yetilgani Bankka O’zbekiston Respublikasining butun iqtisodiy sektori rivojlanishida ko’maklashib, moliya-kredit xizmatlari bozorida peshqadamlik mavqeini egallab turish imkonini bermoqda.
O’zbekiston bank tizimining iqtisodiyot sohalarini tashkil yetishda qatnashuvini tahlil qilish jarayoni ko’rsatadiki, tijorat banklari alohida e’tiborni mamlakatimizning to’liq iqtisodiy mustaqilligini ta’minlash uchun ahamiyati katta bo’lgan sohalarni kreditlashga qaratdi. O’zbekiston iqtisodiyotini isloh qilishda ustuvor yo’nalishlardan biri bu qulay biznes va investitsiya muhitini yaratish, xorijiy investitsiyalarni jalb qilishdir. Mamlakatimizda amalga oshirilayotgan barqaror va aniq maqsadga qaratilgan iqtisodiy siyosat yildan-yilga investitsiyalar, shu jumladan to’g’ridan-to’g’ri xorijiy investitsiyalar oqimini oshirish imkoniyatini bermoqda.
Trastbank O’zbekiston bank tizimida yetakchilik qilib kelmoqda. Biznes-rejaga muvofiq 2021 yilda
rivojlanishning asosiy yo‘nalishlari (Bank Kengashi tomonidan 2020 yil 27 noyabrda tasdiqlangan)
“Trastbank” xususiy aksiyadorlik banki respublikaning rivojlangan banklaridan biri sifatida bank xizmatlari va moliya bozorida o‘z mavqeini mustahkamlash uchun mutlaq va nisbiy moliyaviy ko‘rsatkichlarini yetarli darajaga ko‘tarilishini taminlash niyatida.
Strategik rivojlanishning maqsadlari:

• 
  Rentabellikni oshirish va xarajatlarni kamaytirish faoliyatini takomillashtirish orqali daromadni ko‘paytirish;
  
• 
  bankning kapitallashuv darajasini oshirish, kapitalining yetarliligi, likvidligi va barqarorligini moliyaviy- iqtisodiy ko‘rsatkichlarini xalqaro moliyaviy prinsiplari talablari doirasida mustahkamlash;
  
• 
  faoliyatning barcha soxalarida yuridik va jismoniy shaxslarning mijozlar bazasini sifatli va miqdoriy ravishda kengaytirish, yirik omonatchilarda konsentratsiyaning pasayishi;
  
• 
  Uzoq muddatli resurs bazasini oshirish, yuridik va jismoniy shaxslarning mablag‘larini faol jalb qilish;
  
• 
  aktivlar sifatini yaxshilash, qisqa muddatli kreditlar berish amaliyotini kengaytirish, muammoli kreditlarning so‘ndirilishi bo‘yicha tizimli ishlarni amalga oshirish, asosiy qarz va foizlar bo‘yicha muddati o‘tgan qarzdorliklarning kelgusida yuzaga kelmasligining oldini olish choralarini ko‘rish;
  
• 
  Kredit berish jarayonini soddalashtirish, qarz oluvchilarning to‘lov qobiliyatini tahlil qilish va baxolashni optimallashtirish, kredit portfelini diversifikatsiya qilish;
  
• 
  masofaviy bank xizmatlari soni va qamrovini ko‘paytirish, shu jumladan kontaksiz to‘lovlar, avtomatlashtirilgan tizimining keng qo‘llanilishi, raqamli identifikatsiya va kredit konveyeri, bank sohasida yangi konsepsiyalar va texnologiyalarni joriy etish (marketpleys, ovozli texnologiyalar)
  
• 
  Bank tavakkalchiliklarini boshqarish tizimini rivojlantirish, Bank Kengashi huzuridagi xatarlarni nazorat qilish qo‘mitasi ishini kuchaytirish, bank tavakkalchiliklarini boshqarish departamentining mustaqilligini taminlash, rivojlanishning turli ssenariylaridan foydalangan holda stress-test rolini oshirish, kredit byurolari bilan ishlashni optimallashtirish;
  
• 
  «Rayffayzen Bank Interneshnl» (Avstriya), «Kommersbank AG» (Germaniya) xorijiy banklari bilan muzokaralar va tegishli tartiblar o‘tkazish;
  
• 
  kredit liniyasini jalb qilish;
  
• 
  filiallar va bank xizmatlari markazlarining mintaqaviy tarmog‘ini rivojlantirish, yangi filiallarni ochish;
  
• 
  Xalqaro standartlar asosida korporativ boshqaruv tartibini ishlab chiqish;
  
• 
  9-sonli Xalqaro moliyaviy hisobot standartiga muvofiq moliyaviy aktivlarni tasniflash va baholashga qo‘yiladigan yangi talablarni hisobga olgan holda moliyaviy hisobotlarni tayyorlash sifatini yaxshilash;
  
• 
  ISO 9001: 2015 sifat menejmenti tizimining muvofiq standartlariga rioya qilish;
  
• 
  Xodimlar bilan ishlash usullarini takomillashtirish, xodimlar va aholining moliyaviy savodxonligini oshirish, «O‘quv markazi» ning samarali ishlashini taminlash;
  
• 
  bank xodimlari va tarkibiy bo‘linmalari uchun (KPI) asosiy ko‘rsatkichlar tizimini ishlab chiqish va joriy etish.