Mirsaid Aripov, Nurillo Otaxanov

Faylga ma`lumotlarni yozish uchun write yoki writeln metodidan foydalaniladi. Bu buyruq umumiy ko`rinishda quyidagicha yoziladi:

write (faylli o`zgaruvchi, ro`yxat) ;

bu yerda Faylli o`zgaruvchi - ma`lumotlar kiritiladigan faylni ko`rsatuvchi o`zgaruvchi; Ro`yxat - bir-biridan vergul bilan ajratilgan va qiymatlari faylga yozilishi talab qilingan o`zgaruvchilar ro`yxati. Bu ro`yxatga o`zgaruvchilardan tashqari satrli konstantalarni ham kiritish mumkin. Masalan, agar f - o`zgaruvchi TextFile tipida bo`lsa, u holda x1 va x2 - o`zgaruvchilar qiymatlarini faylga yozish buyrug’i quyidagicha yoziladi:

write(f, 'Tenglamaning ildizlari', x1, x2);

Write va writeln buyruqlarining farqi shundaki, writeln buyrug’i faylga ro`yxatda ko`rsatilgan barcha qiymatlarni yoziganidan so`ng, kursorni yangi satr boshiga o`tkazadi. Demak, kiritiladigan navbatdagi ma`lumotlar kursor turgan yerdan, ya`ni yangi satr boshidan yoziladi. Write esa ma`lumotlarni yozib, kursorni joriy holatida to`xtatib qo`yadi va faylga navbatdagi ma`lumot ana shu joydan boshlab yoziladi.

Faylni yopish. Dastur o`z ishini tugatmasidan oldin joriy vaqtda ochiq barcha fayllarni yopish lozim. Bu amal Closefile protsedurasi yordamida bajariladi. Closefile protsedurasi faylli o`zgaruvchi nomidan iborat bitta parametrga ega bo`ladi. Masalan:

Closefile(f).

9.1-rasmda maxsus oynada ko`rsatiladigan nomli faylga yangi ma`lumotlarni yozish yoki qo`shish amallaridan birini bajaradigan dastur matni keltirilgan.