Mirsaid Aripov, Nurillo Otaxanov

9.2. Fayllarni ochish va yopish. Ma`lumotlar kiritish

Faylni ochish. Faylga ma`lumotlarni yozish yoki ma`lumotlarni o`qish imkoniga ega bo`lish uchun, avval bu faylni ochish kerak bo`ladi.

Ma`lumki, bitta papkada ikkita bir hil nomdagi faylning bo`lishi mumkin emas. Bunday hollarda dasturchi eski faylni nima qilish kerakligini hal qilishi zarur: eski faylni o`chirib, uning o`rniga yangi fayl yaratish kerakmi? yoki eski fayldagi ma`lumotlarning davomiga yangi ma`lumotlarni qo`shish kerakmi?

Fayldan foydalanish usuli uni ochish vaqtida aniqlanadi. Fayllarni uch hil maqsadlardan biri uchun ochish mumkin:

• 
  faylni ma`lumotlarni yangidan yozish uchun;
  
• 
  mavjud faylning davomiga yangi ma`lumotlarni qo`shish uchun:
  
• 
  fayldagi ma`lumotlarni o`qish uchun.
  

Faylni yangidan yaratish rejimida ochish uchun

Rewrite(f);

buyrugidan foydalaniladi. Bu yerda f - TextFile tipidagi o`zgaruvchi. Agar joriy katalogda f – fayli ko`rsatib turgan nomdagi boshqa fayl mavjud bo`lsa, uning o`rniga yangi fayl tashkil qilinadi.

Faylni davomiga ma`lumotlarni qo`shish rejimida ochish uchun

Append (f);

protsedurasidan foydalaniladi. Bu yerda f - TextFile tipidagi o`zgaruvchi. Faylga yozishning bu usulida yangi ma`lumotlar fayl oxiriga qo`shiladi.

Faylda saqlanayotgan ma`lumotlardan foydalanish imkoniga ega bo`lish uchun, dastlab uni o`qish maqsadida ochish talab qilinadi. Buning uchun Reset(f); buyrug’idan foydalaniladi. Bu yerda f – faylli o`zgaruvchi.