Mirsaid Aripov, Nurillo Otaxanov

12-BOB. DELPHINING GRAFIK IMKONIYATLARI

12.1. Xolst

Tasvirlar to`g’ridan-to`g’ri forma yoki Additional palitrasida joylashgan Image komponentasi sirtiga chiqariladi va bu sirtga ob’yektning Canvas hususiyati mos keladi. O`z navbatida, Canvas hususiyati — bu Tcanvas tipidagi ob’yekt bo`lib, sodda tasvir (nuqta, chiziqlar, aylana, to`g’ri to`rtburchaklar va x.k.) yasashga imkon beradi. Hususiyatlari esa grafik element xarakteristikalarini (rang, qalinligi, chiziq stillari, sohalarga fon usullari, matnlarga shriftlar va x.k.) belgilab beradi.

12.1-rasm. Xolstning koordinatalari

Grafik elementlarni yasash metodlari Canvas ni abstrakt xolst deb qaraydi va unda chizish amallarini bajaradi (Canvas – "sirt", "rasm chizish uchun xolst"). Xolst nuqta-pikcellardan tashkil topgan soha bo`lib, holati gorizontal (X) va vertikal (Y) koordinatalari bilan belgilanadi. Canvas chap yuqori pikselining koordinatalari (0, 0) bo`lib, koordinatalari yuqoridan pastga, chapdan o`ngga qarab o`sadi (11.1-rasm). O`ng quyi nuqtasining koordinatasi xolst o`lchamlariga bog’liq.

Xolst o`lchamlarini rasmlar (Image) sohasining Height va Width hususiyatlari yoki formaning ClientHeight va Clientwidth hususiyatlari yordamida aniqlash mumkin.