Mirsaid Aripov, Nurillo Otaxanov

Masala. Fanlar bo`yicha olimpiada natijalarini qayd qilish dasturini yozing.

Yechish g’oyasi. Natijalarni jadval ko`rinishida, komponentalari TUrin tipidagi yozuvlardan iborat bo`lgan fayl sifatida tashkil qilinadi. Boshlang’ich ma`lumotlar oynasining maxsus maydonlariga (9.1-rasm) kiritiladi va bu ma`lumotlar komponentalari TUrin tipida bo`lgan faylda saqlab qo`yiladi.

Qatnashchilar familiyasi Edit1 maydoniga kiritiladi, fan turi va Oliy o`quv yurti nomlari ComboBox (aralash ro`yxat) komponentasidan tanlanadi. Bu komponenta nishoni Standard qurollar panelida joylashgan. ComboBox komponentasi ma`lumotlarni bevosita kiritish-tahrirlash maydoniga kiritish yoki ochiladigan ro`yxatdan tanlash imkonini beradi.

ComboBox komponentasining ayrim hususiyatlari 9.1-jadval.

Hususiyati	Mazmuni
Name	Nom . Komponentaning hususiyatlariga murojaat qilishda foydalaniladi
Text	Kiritish-tahrirlash maydonidagi matn
Items	Ochiladigan ro`yxat elementlari
DropDownCount	Ochilgan ro`yxatda ko`rinadigan elementlar soni

Ochiladigan ro`yxat ilova formasini yaratish jarayonida ham, dasturning ishlash jarayonida ham hosil qilinishi mumkin. Formani yaratish jarayonida ro`yxat hosil qilish uchun Object Inspector oynasida Items hususiyatidagi satrlar ro`yxatini tahrirlash muharriri (uchta nuqtali tugma) chertiladi. Muharrir ishga tushgandan keyin ro`yxat elementlarini kiritish mumkin (9.2-rasm). Dasturning to`la matni 9.1-listingda keltirilgan.