Mirsaid Aripov, Nurillo Otaxanov

21-BOB. O`RNATUVCHI DISKLAR YARATISH

Barcha zamonaviy dasturiy ta`minot o`rnatuvchi maxsus dastur yoki disklar yordamida tarqatiladi. Dasturiy ta`minotni boshqa komp’yuterlarga ko`chirib o`tkazishdan tashqari, sistemani ham sozlash lozim. Aks holda, masalani yechishda foydalanilgan ayrim komponentalar boshqa komp’yu-terga o’tganda ishlamay qolishi mumkin. Shu sababli, o`rnatuvchi (installyatsion) dastur ishlab chiqish talab qilinadi.

21.1.InstallShield Express dasturi

O`rnatuvchi dasturlar yaratish uchun eng ko`p qo`llanadigan dasturlardan biri – bu InstallShield Express paket bo`lib, u Borland Delphi 7 Studio paketining barcha o`rnatuvchi disklari tarkibiga kiritilgan.

InstallShield Express dasturini faollashtirish uchun Windows bosh menyusidan Пуск→Программы→InstallShield→Express tugmalarini chertiladi. Natijada InstallShield Express dasturi ishga tushadi.

O`rnatuvchi disklar yaratish jarayonini kvadrat tenglama dasturi uchun installyatsion disk yaratish misolida bayon qilinadi.

Bevosita bu masala uchun o`rnatuvchi dastur yaratishdan avval, boshqa komp’yuterlarga o`tkazilishi talab qilingan fayllar ro`yxati aniqlanadi (22.1-jadval). Bundan tashqari, matn muharriridan foydalanib, litsenzion kelishuvning RTF-fayli (EULA - End User Licensia Agreement) hamda qisqa ma`lumotnoma fayli (Readme-fayl) ham kerak bo`ladi.

Kvadrat tenglama dasturi uchun fayllar ro`yxati 22.1-jadval.