Mirsaid Aripov, Nurillo Otaxanov

20.3. Fokusni boshqarish

Ilova ishlayotgan vaqtda u yoki bu element biror sabab bilan fokusni (boshqaruvni) o`ziga oladi. Odatda elementlar o`rtasida fokusni uzatish amali ma`lum bir tartib bilan amalga oshiriladi. Masalan, dsaturchi ma`lumotlar bazasi uchun ilova ishlab chiqishda ma`lumotlarni kiritish jarayonini foydalanuvchilar uchun qulay usulda bo`lishini ta`minlaydi. Buning uchun foydalanuvchiga faqat klaviatura bilan ishlash va fokusni sichqoncha yordamida kerakli komponentaga uzatish kabi ortiqcha amallar bilan chalg’imasligi talab qilinadi.

Bu masalani hal qilish uchun boshqaruvning barcha oynali elementlari ikki hususiyatga ega qilib yaratilgan. TabOrder hususiyati bitta xo`jayinning (forma, panel, guruhlar) boshqaruv elementlari o`rtasida tugmasi chertilganda fokusni uzatish tartibini belgilaydi. 0 qiymatini forma ochilganda fokus uzatilgan komponenta oladi.

TabOrder hususiyati ishga tushishi uchun Tabstop hususiyati True bo`lishi lozim. Bundan tashqari, barcha (TButtonControl dan kelib chiqqan) tugmalar Default hususiyatiga ega. Uning qiymati True bo`lsa, komponenta tugmasining chertilishiga (hattoki u fokus olmagan bo`lsa ham) javob berishga majbur qiladi. Bu hususiyatni formaning faqat bitta elementi uchungina o`rnatish mumkin.

Dasturda fokusni boshqaruvning ihtiyoriy elementiga o`tkazish uchun TwinControl klassining procedure SetFocus; virtual; metodidan foydalaniladi.

Forma bilan ishlashga ehtiyoj paydo bo`lganda TForm klassining

function SetFocusedControl(Control: TWinControl): Boolean; virtual;

metodin qo`llash mumkin. Uning parametri sifatida formaning tegishli komponenta ko`rsatkichi yoziladi.