Mintaqaviy turizmning konseptual asoslari

III bob.	MINTAQAVIY TURIZMNI RIVOJLANTIRISH MUAMMOLARI VA ISTIQBOLLARI………………….....…..
	XULOSALAR VA TAKLIFLAR..................................................	87
	III bob bo’yicha xulosalar…………………………………………	95
	FOYDALANILGAN ADABIYOTLAR RO‘YXATI....................	96
	ILOVALAR......................................................................................	99

KIRISH
Mavzuning dolzarbligi. Mamlakatimiz hudud­larining barqaror ijtimoiy-iqtisodiy rivojlanishini ta’minlashning muhim omillaridan biri – bu, ularning raqobatbardoshlik omillaridan oqilona foydalanishdan iborat. Ho­zirgi vaqtda dunyo olimlari va mutaxassislari mintaqalar raqobat­bardoshligini oshirishning asosiy mexanizmi sifatida mintaqaviy klasterlarni shakllantirishning ilmiy-nazariy asoslarini ishlab chiqishga katta e’tibor berishmoqda. Biroq, bu borada yagona qarash va fikr­lar mavjud emasligini ham ta’­kidlash lozim.
Mamlakatimizda turizm indus­triyasi tez sur’atlarda rivojlanish bosqichiga kirdi. Shunga qaramasdan, mintaqaviy turizm bozori raqobatbardoshligi­ni oshirish, yangi imkoniyatlarni yaratish bо‘yicha bir qator muammolar mavjud. Ayniqsa, mintaqalarda turizm bozori klasteri shakllanishini asoslash, uning istiqbolli strategik yо‘nalishlarini aniqlash va amaliyotda qо‘llash juda dolzarb ma­salalardan biri hisoblanadi. Ushbu innovatsion g‘oyani amaliyotga tatbiq etish mintaqalarni barqaror, yuqori sur’atlarda о‘sishi uchun katta turtki bо‘ladi.
O‘zbekiston mintaqalarida (jumladan, Samarqand, Buxoro, Xiva, Shahrisabz shaharlarida) saqlanayotgan har bir davrga xos bo‘lgan va sivilizatsiyaning o‘ziga xos 400 dan ortiq me’moriy va tarixiy-madaniy obidalari, arxeologik yodgorliklar mavjud bo‘lib ularning ko‘pchiligi YUNESKOning Butunjahon madaniy meroslar ro‘yxatiga olingan. Bu shundan dalolat beradi-ki, mamlakatimiz mintaqalarida yetarlicha turistik imkoniyatlar mavjud va ularni o‘rganish, tadqiq etish bugungi kunning asosiy masalalaridan bo‘lib hisoblanadi.
Ammo tan olishimiz kerakki mamlakatimizni boy turistik resurslarga ega bo‘lishi nuqtai nazaridan oladigan bo‘lsak yuqoridagi ko‘rsatkichlar hozirgi kunda qoniqarli bo‘lib hisoblanmaydi.
Prezidentimiz Shavkat Mirziyoyev Vazirlar Mahkamasining mamlakatimizni 2016 yilda ijtimoiy-iqtisodiy rivojlantirishning asosiy yakunlari va 2017 yilga mо‘ljallangan iqtisodiy dasturning eng muhim ustuvor yо‘nalishlariga bag‘ishlangan kengaytirilgan majlisidagi ma’ruzasida bu masala xususda alohida tо‘xtalib о‘tgandi. Jumladan, mamlakatimizda turizm industriyasini taraqqiy ettirish borasida sо‘z yuritayotib, “Oxirgi yillarda turizmdek muhim soha kompleks rahbarining zarur darajadagi e’tiboridan chetda qolib ketdi. Bu xatoni sо‘zsiz va eng muhimi, natijali ravishda tо‘g‘rilash kerak. Biz hozir faqat turizmni rivojlantirish bilan shug‘ullanadigan tuzilmaga doir masalalarni tasdiqladik. Bu choralar turizmning О‘zbekiston iqtisodiyoti rivojiga qо‘shadigan hissasini oshirish, tarixiy va madaniy qadriyatlarimizni targ‘ib qilish, shuningdek, valyuta zaxiralarini tо‘ldirish bо‘yicha aniq chora-tadbirlar bilan kuchaytirilishi zarur”¹ degan edi.
Respublikamiz mintaqalarida turistik klasterlarning shakllantirilishi turistik resurslardan tо‘liq foydalanish zamirida yangi sayyohlik firmalari ochilishiga, oldindan mavjudlari ishini yanada faollashtirishga hamda zamonaviy turistik mahsulotlar tayyorlanishiga zamin hozirlaydi.
Mamlakatimizning barcha sayyohlik hududlarida turistik-rekreatsiya klasterlarini shakllantirish va sayyohlik majmualarini barpo etish hamda ularning xalqaro talablarga javob beradigan darajada bо‘lishiga erishish turistlar soni ortishiga ijobiy kо‘rsatadi. О‘z navbatida, ayni sohada ish о‘rinlari kо‘payishiga, hududlar infratuzilmasi yanada yaxshilanishiga, yalpi hududiy mahsulot hajmi о‘sishiga va aholining turmush tarzi farovonlashishiga xizmat qiladi.