Минтақавий иқтисодиёт ва менежмент” кафедраси

Хулоса ва таклифлар..............................................................................29

Иловалар................................................................................................. 30



КИРИШ
Ўзбекистонда мустақилликнинг дастлабки йилларидан кадрлар тайёрлаш тизимини тубдан ислоҳ қилиш, уни замон талаблари, иқтисодиётдаги янгиланишлар ва таркибий ўзгаришларга мослаштириш юзасидан чора-тадбирлар амалга тадбиқ қилина бошлаган эди. Бу борада Президент И.Каримовга “Тафаккур” журналининг бош муҳарири “Сиз мустақил давлатнинг етакчиси сифатида фаолиятингизнинг дастлабки кунидан бошлаб мамлакатимизда таълим-тарбия тизимини тубдан ислоҳ қилишдек ғоят муҳим ва мураккаб ишга бевосита раҳбарлик қилиб келмоқдасиз... Сизнинг сиёсатингизда таълим-тарбия масаласига бу қадар катта эътибор берилишининг сабаблари нимада?” деган савол билан мурожаат қилганида, шундай жавоб берган эдилар: “...Бусиз жамиятимизнинг бирор бир соҳасини ўзгартиришга киришиб бўлмас эди. Ислоҳотларнинг тақдири ва самараси биринчи навбатда кадрларнинг савиясига, уларнинг замон ва тараққиёт талабларига нечоғлик жавоб беришига тақалиб қолар эди. Юртимизнинг эртанги ҳаёти ва тақдири авваламбор шу муаммоларни узил-кесил ечиш билан чамбарчас боғланганлигини ҳар қайси фикрловчи одам англаши қийин эмас.”¹
Дарҳақиқат, бугунги фан ва техника тараққиёти ўзининг юксак чўққисига эришган бир даврда меҳнат бозорида замонавий мутахассисларга бўлган талаб кун сайин ўзгача хусусият касб этмоқда. Шу нуқтаи назардан, бугунги кунда республикамизда таълим тизимини такомиллаштириш, уни замон талаблари билан уйғунлаштиришга катта эътибор қаратилмоқда. Бунда мутахассис кадрларни тайёрлаш ва таълим тизими ислоҳотлар талаблари билан чамбарчас боғланган бўлиши муҳим аҳамият касб этади.
Таълим стандартларини ва инсон капиталини сифат жиҳатдан яхшилаш ривожланган иқтисодиёт шароитида объектив зарурат ҳисобланади. Замон талабларига жавоб бера оладиган мутахассис кадрларни тайёрлаш, малака талаблари асосида таълим ва унинг барча таркибий тузилмаларини такомиллаштириб бориш олдимизда турган долзарб масалалардан биридир. Фанлар бўйича билимлар мажмуасини ўзлаштириш, назарий ва амалий машғулотлар узвийлигида малака ҳамда кўникмаларни мукаммал шакллантиришда малакавий амалиётнинг ўрни беқиёс.

1.