Mineral o‘g‘it sochgich miqdorlagichini o‘g‘it solish me’yoriga rostlash I. Ishning maqsadi

Mineral o‘g‘it sochgich miqdorlagichini o‘g‘it solish me’yoriga rostlash

I. Ishning maqsadi.

O’g’it va uning turlari, o’g’itlash samarasi, o’g’itlash meyori, usullari va mashinalarining tuzilishi, ishlashini o’rganish.

II.Jihoz va asbob uskunalar.

O’g’itlash mashinalarining tuzilishi, ishlash tartibi va shunga o’xshash malumotlarni beruvchi o’quv plakatlari.

III. Ishni bajarish tartibi.

a) O’g’itlash usullari va unda ishlatiladigan mashinalar.

b) Organik o’g’it sochish mashinalari.
v) Changsimon va suyuq o’g’itlarni sepish mashinalari.
g) Mineral o’g’it sochish mashinalari.
d) O’g’it sepish normasini aniqlash.

O’g’it solish usullari va unga qo’yiladigan agrotexnika talablari.
O’g’itlar ekishga qadar (asosiy o’g’itlash), ekin ekish va o’tqazish vaqtida (ekish bilan bir vaqtda solish) xamda ekish va o’tqazishdan keyin (oziqlantirish) solinadi. Asosiy o’g’itlashda o’g’itlar dala betiga sochilib, so’ngra shudgorlash vaqtida tuproqqa ko’mib ketiladi.
Mineral o’g’itlar solishda quyidagi agrotexnik talablarga rioya qilinadi:
- qamrash kengligi bo’yicha bir tekis taqsimlanishi o’g’itlar markazdan qochma sepkichlar bilan sepilganda 75% dan, tarelkasimon sepkichlar bilan sepilaganda esa 85% dan kam bo’lmasligi zarur;
- o’g’itlarni tuproqqa ko’mish chuqurligi va 1 ga yerga o’g’it solish normasi belgilanganidan 20% dan ortiq chetga chiqmasligi lozim;
- kombinasiyalangan seyalkalarning o’g’it sepish apparatlari namligi normal o’g’itlarni sepish normasi 50…70 kg/ga da 5% dan ortiq chetlashmasdan sepilishi zarur.
Organik o’g’it sepkichlar o’g’itlarni yaxshilab yumshatishi, maydalashi va barcha o’g’it massasini 15% dan ortiq bo’lmagan notekislik bilan dala betiga taqsimlashi kerak. O’g’it sepish normasidan chetga chiqish 25%dan ortiq emas.