«Минерал ўғитлар технологияси» фани бўйича: Минерал ўғитларнинг халқ хўжалигидаги аҳамияти

4 - расм. Гранулланган суперфосфат ишлаб чиқариш схемаси:
1 - бункер; 2 - нейтралловчи қўшимча бункери; 3 - лентали таъминлагич; 4 - ўқли тегирмон; 5,10 - элеваторлар; 6 - транспортёр; 7 - гранулятор, 8 - қуритиш барабани; 9 - ретур транспортёри; 12 - тайёр маҳсулот транспортёри; 13 - тегирмон, 15 - тайёр маҳсулот бункерлари; 16 - тикув машинаси.
Абсорберда ҳосил бўладиган эритма суперфосфат чанги билан ифлосланган бўлади. Уни тозалаш қийинчилик туғдиради. Шунинг учун эритма зарарсизлантиришга (бўр билан нейтраллашга) юборилади ёки уни грануляторда суперфосфатни намлашга қайтарилади.
Қуритилган маҳсулот элеватор 10 орқали элак 11 га келиб тушади, у ерда фракцияларга ажратилади. 4 мм дан йирик бўлаклар тегирмон 13 га ва майдалангандан сўнг, транспортёр 14 да яна элакка қайтарилади. 2-4 мм ўлчамли фракция транспортёр 12 ёрдамида тайёр маҳсулот бункерлари 15 га, майда фракция эса (умумий микдорнинг 20-30% и) ретур транспортёри 9 ёрдамида суперфосфатнинг грануллашдан олдинги массасига қўшиш учун юборилади. Гранулланган суперфосфат тайёр маҳсулот бункерларидан вагонларга тўкиш орқали юкланади ёки қопларга жойланиб, траспортёрлар ёрдамида ва тикув машинаси 16 да қопларнинг оғзи маҳкамланади. Қопланган суперфосфат транспортёр 17 орқали вагонларга юкланади.
1 тонна гранулланган суперфосфат ишлаб чиқариш учун 1,015…1,025 т оддий суперфосфат сарфланади.
Қоратоғ ва Қизилқум фосфоритидан гранулланган суперфосфат олиш унинг аммонийлаштириш жараёни билан биргаликда амалга оширилади. Бу эса ишлаб чиқариш жараёнидан суперфосфатни намлаш ва қуритиш босқичларини чиқариб ташлайди, шунингдек нейтраллаш учун ишлатиладиган охак сарфини қисқартиради.
Қоратоғ фосфоритидан олинган суперфосфатни аммиак билан рН = 4…4,5 гача нейтраллаш ўзлашадиган Р₂О₅ ни камайтирмайди. Сувда эрийдиган Р₂О₅ миқдори эса 12…18% га камаяди ва ўзлашадиган Р₂О₅ нинг 73…82% ини ташкил этади. Аммонийлаштиришда ажраладиган иссиқлик ҳисобига маҳсулот намлиги 4…5% га камаяди. Қоратоғ фосфоритидан олинган суперфосфатни аммиакли селитра ёки карбамиднинг аммиакатлари билан аммонийлаштириш орқали, таркибида 20…21% озуқа элементлари, шу жумладан 5…6% азот тутган яхши физик ва агрокимёвий хоссали донадорланган мураккаб ўғитлар олиш мумкин.
Етилтирилган суперфосфатни газ ҳолатдаги аммиак билан аммонийлаштириш, айланувчи горизонтал барабанлар - аммонийлагич-грануляторларда амалга оширилади. Сўнгра, маҳсулот омборга келиб тушади, у ерда аммонийланган суперфосфат 3…4 сутка мобайнида аралаштириб турган ҳолда 28…32°С гача совутилади. Совутилган маҳсулот қадоқланади.
Аммиакдан фойдаланиш даражаси 93…96% ни ташкил қилади. Таркибида 5…8 г/м³ NH₃; бўлган аммонийлаштиргичдан чиқувчи газ сувли абсорберга юборилади. Ҳосил бўлган аммиакли сув (2…2,5% N₃) суперфосфат ишлаб чиқаришда ишлатиладиган сульфат кислотани суюлтиришда фойдаланилади.
1 т аммонийланган суперфосфат олиш учун 1,02 т нордон суперфосфат ва ~190 кг аммиак сарфланади. Тайёр маҳсулот таркибида (% ҳисобида): Р₂О_5умуя. ₌ 16-16,8; Р₂О_{5 узл} = 15-15,5; Р₂О₅ = 11,5-12; N = 1,5-2,5; Р₂О₅._эркин  0,5 ва 3% намлик бўлади.
30.Аммонийли селитрасининг ишлаб чиқариш усуллари.
Умумий хоссаси, олиниши, ишлатилиши, гигроскоплиги, ёпишқоқлиги, парчаланиши, турлари, эрувчанлиги, таркиби, ишлаб чиқариш усуллари: АС-72, АС-72М.
14 бн бир хил.