«Минерал ўғитлар технологияси» фани бўйича: Минерал ўғитларнинг халқ хўжалигидаги аҳамияти

Суперфосфат ишлаб чиқариш

Суперфосфат цехига: фосфатли хом-ашё омбори ва сульфат кислота сақлагич; фосфатни сульфат кислотали парчалаш амалга ошириладиган хизмат бўлинмаси (худди шу ерда ажраладиган фторли газларни юттириш ҳам амалга оширилади); суперфосфат омбори, у ерда маҳсулотни бир қанча муддат етилтирилади ва пишитилган маҳсулот ҳосил қилинади. Узлуксиз усулда суперфосфат ишлаб чиқариш 1.5 - расмда тасвирланган.

Корхонага келтирилган апатит концентрати (ёки фосфорит уни) темир йўл вагонларидан туширилади ва турли хил ташиш мосламалари - электромеханик кураклар, лентали ташиш мосламалари, шнеклар, элеваторлар ва бошқа пневматик мосламалар воситасида хом-ашё омбори (силос) га, ундан эса сарфловчи бункерга ва сўнгра меъёрлаштириш бункерига узатилади. Силослардаги материалларнинг бир-бирига киришиб ёпишиб қолишини олдини олиш мақсадида силослар остига ўрнатилган ёриқли плиткалар орқали қисилган ҳаво бериб аэрация юзага келтирилади. Фосфатнинг меъёрий берилиши ўлчовли меъёрлаштиргич ёрдамида амалга оширилади. Электромагнит тебратгичли ва шнекли таъминлагичли икки босқичли меъёрлаштиргичлардан фойдаланиш кам инерцияга ва юқори аниқликка эга бўлганлиги учун бирмунча афзалдир. Қоратоғ фосфорит уни юқори оқувчан хоссага эгадир, шунинг учун уни меъёрлаштириш 40…45 секунддаги кукун микдорини ўлчовчи электрон тўғрилагич ўрнатилган микдорий тарозиларда амалга ошириш афзалдир.
Сульфат кислота улуксиз равишда сув билан суюлтирилади; суюлтиришни кислота зичлиги бўйича концентратомер орқали назорат қилинади. Сўнгра сарфлагич орқали апатит концентрати билан аралаштиришга оқиб тушади




1 - расм. Суперфосфат олишнинг камерали усули.
1 - апатит концентрат учун транспортер; 2 - бункер; 3 - шнекли таъминлагич; 4 - чўмичли элеватор; 5,9 - шнеклар; 6 - ортиқча апатит концентрати учун қайтарувчи шнек; 7 - меъёрлаштирувчи бункер; 8 - меъёрлаштиргич; 10 - аралаштиргич; 11- ўлчовли меъёрлаштиргичли текшириш шнек учун назорат тарозиси; 12 - назорат тарозиси учун бункер; 13 - сульфат кислота учун резервуар; 14 - марказдан қочма кислота насоси; 15 - кислота учун бак; 16 - кислота аралаштиргич; 17 - сув учун бак; 18 - минорали сульфат кислота ишлатганда ажраладиган азот оксидлари учун газ ажратгич; 19 - кислота учун концентратомер; 20 - тирқичли кислота сарфлагич; 21 - супефосфат камераси; 22 - фрезер; 23 - камерали суперфосфат транспортёри; 24 - суперфосфатни омборга узатувчи транспортер.
Апатитни кислота билан аралаштириш учун узлуксиз ишлайдиган уч ёки тўрт камерали вертикал аралаштиргичлар (1.6 - расм). Суспензия (бўтқа) ҳажми шибер (ишчи органи текис шаклдор пластинка) орқали тартибга солинадики, бунда унинг аралаштирилиши 5…7 мин (Қоратоғ фосфорити билан ишланганда эса – 2…3 мин) давом эттирилиши таъминланади. Суспензия аралаштиргичдан суперфосфат камерасига оқиб тушади (1.7 - расм). У пўлат ғилофли ва ички қисми қоплама (футеровка) қилинган вертикал темир-бетонли цилиндрик корпус 1 дан иборат. Камера 16 роликли тиргакка таянтирилган, улар воситасида камера остидаги мустаҳкам сальниклар орқали ўтувчи қўзғалмайдиган чўян қувур 2 атрофида айланади. Айлантириш редуктор 4 орқали электромотор 3 ёрдамида амалга оширилади; 1…2 соат мобайнида камера бир марта айланади (айланиш йўналиши тасвирда стрелка билан кўрсатилган). Камеранинг темир-бетонли қопқоғи 5 қўзғалмасдир, камера ва қопқоқ орасида резинали зичлаштиргич бор.