«Минерал ўғитлар технологияси» фани бўйича: Минерал ўғитларнинг халқ хўжалигидаги аҳамияти

АММИАКАТЛАР ИШЛАБ ЧИҚАРИШ ТЕХНОЛОГИК ТАСВИРИ

Аммиакат ишлаб чиқариш учун реактор (1) га сув қуйилади ва ундан газ ҳолидаги аммиак ўтказилади. Натижада 10 - 15% ли аммиакли сув ҳосил бўлади. Юттирилмаган аммиак скрубберларга юборилади. Сўнгра реакторга ИТН аппаратидан чиқаётган 75 – 80% аммонийли селитра эритмаси берилади. Ҳосил бўлган аммиакатнинг маълум бир қисми совутгич (4) га берилиб, сув ёрдамида совутилади. Сўнгра бойитиш учун реактор (1) га қайтарилади. Қолган аммиакат эса омбор (5) га юборилади ва ундан марказдан қочма насос (3) орқали цистернага юборилади. Радиация ва иссиқлик таъсирида омбор (5) дан ажралган аммиак гидрозатвор (6) да ушлаб қолинади.

Расм 5.3. Аммиакатлар ишлаб чиқариш технологик тасвири.

1 - реактор; 2 - транспортёр; 3 - марказдан кочма насос; 4 - совутгич; 5 - омбор; 6 - гидрозатвор;

Агар аммиакли, кальцийли ёки карбамидли селитра олмоқчи бўлсак, реактор (1) га бир йўла уларнинг 75 - 80% ли эритмалари ёки қаттиқ ҳолидаги кристалл маҳсулотлари солинади. Карбамидли аммиакатни таркиби қуйидагича: 19 - 20% карбамид; 20 - 25% аммиак; 7 - 12% карбонат ангидрид.
Аммиакатнинг таркибида камида 29% азот бўлиши керак. Аммиакатлар ишлаб чиқариш учун ишлатиладиган қурилмалари алюминий, пўлат ёки пластмассадан тайёрланган бўлиши керак.


4.Аммоний сульфат ишлаб чиқаришнинг физик-кимёвий асослари ва ишлаб чиқариш технологияси.
(Хоссаси, ишлатилиши, усуллари, маркалари, реакция таркиби, сатуратор, барбатёр, центрафуга, тасвири.)
Аммоний сульфат қишлоқ хўжалигида қўлланиладиган азотли ўғитлардан биридир. Аммоний сульфат рангсиз кристалл модда бўлиб, таркибида 21,21% азот элементи мавжуд. Зичлиги 1769 кг/м³, аммоний сульфат 350^оС дан юқори ҳароратда қиздирилганда аммиак ва сульфат кислотага парчаланади, 100^оС ҳароратда эса нордон тузлар ҳосил бўлиши билан диссосацияланади. Сувда яхши эрийдиган азотли ўғитлар туркумига киради.