Минерал боғловчилар асосида сунъий тош материаллари

№	Номи	Ранги
		картони	маркировкаси
1	Оддий (ГКЛ)	Кулранг	Ҳаворанг
2	Намликка чидамли	Яшилранг	Ҳаворанг
3	Очиқ аланга таъсирига юқори бардошли	Кулранг	Қизил
4	Очиқ аланга таъсирига ва намликка юқори бардошли	Яшилранг	Қизил

9.2-жадвал. ГКЛ турлари бўйича ўлчамлари

Номи	Қалинлиги, мм	Эни,мм	Узунлиги,мм
ГКЛ	8; 9,5; 12,5; 14; 16	1200	2000 дан 4000 гача
	18 юқори	600
ГКЛВ	10; 12,5; 14; 16	1200
ГКЛО	12,5; 14,16	600
ГКЛВО	12,5; 14,16	1200

Гипскартон листлари бўйлама қирраларининг шакли:
- тўғри қиррали (ПК), чокларни тўлдирмасдан қуруқ ҳолда маҳкамлаш учун;
- юза томони ярим айлана (ПЛК), арматураловчи лентасиз “Унифлот” шпаклевкаси билан беркитишни ҳисобга олган ҳолда;
- юза томони ингичкалаштирилган ярим айлана (ПЛУК), 1 ва 2 холатлардаги қирралар сингари чокларни беркитишни ҳисобга олган ҳолдаги универсал қирра;

• қирраси айлана шаклида (3К), кейинчалик сувоқ ишларини назарда тутган холда маҳкамлаш учун.

Юза томони қирра ингичкалаштирилган узунлиги 2500, 3000мм, эни 1200мм, қалинлиги 9,5 ва 12,5мм гипскартон листлари кўп тарқалган.

ГКЛВ ва ГКЛО лар намлиги юқори хоналарни безашда ишлатиш учун мўлжалланган бўлиб, сув шимувчанлиги 10% кам бўлиши керак. Оддий ГКЛ ларнинг сувда юмшаш коэффициенти Кр=0,45 бўлиб, улар сув шимганда мустаҳкамлиги кескин пасайишидан дарак беради.
ГКЛО ва ГКЛВО листларининг очиқ аланга таъсирига чидамлилиги 2000С дан кам эмас. ГКЛ, ГКЛВ, ГКЛО ва ГКЛВО листлари ёнувчан П гуруҳига киради. (ГОСТ 30244): алангаланувчи В3 (ГОСТ 30402); тутун ҳосил қилиш хусусияти бўйича Д1 (ГОСТ 12.1.044); тақсимловчи хусусияти билан Т1 (ГОСТ 12.1.044).
Томон ўлчамларига рухсат этилган ўзгаришлар ва ташқи нуқсонлар сони ГОСТ 6266 – 97 талаби бўйича қуйидаги икки А ва Б гуруҳга бўлинади. А гурухи бўйича листларни тайёрлаш аниқлиги юқори саналади.
ГКЛ қуйидагича шартли белгиланади:
- ҳарф белгилари (ГКЛ);
- лист гуруҳлари белгилари (А ва Б);
- кўндаланг қирра белгилари типи (УК);
- номинал узунлиги, эни ва қалинлигини ифодаловчи рақамлар (мм);
- Россия ва Германия стандартлари белгилари. Оддий гипскартон листининг шартли белгиларига мисол: ГКЛ – А – УК – 2500 х 1200 х 12,5 ГОСТ 6266 – 97 DIN 18180.