Milliy g‘oya tarixi va nazariyasi

16-mavzu: Milliy g’oya - millatlararo totuvlik va hamjihatlilikni ta’minlash omili (2 soat)

R e j a:

15. 
    O‘zbekiston ko‘pmillatli, polietnik davlat ekanligi. Milliy g‘oyada turli millatga mansub xalqlarning manfaatlari va maqsadlarining ifodalanishi.
    
16. 
    Millatlararo totuvlik tushunchasi, uning milliy g‘oyada aks etishi.
    
17. 
    Millatlararo totuvlik va hamjihatlikni ta‘minlashda milliy g‘oya rolining oshib borishi.
    

MAVZUGA OID TAYANCH TUSHUNCHA VA IBORALAR:

Millatlararo totuvlik mamalakatimiz siyosatining ustuvor jihatlaridan biri hisoblanib, muayyan hudud, davlatda turli millat vakillarining bahamjihat yashashi, hamkorlikda faoliyat yuritishini ifoda etadi. O’zbekiston - ko’p millatli davlat. Bir mamlakat miqyosida turli millatlar yashashining bir qator murakkabligi bor. Chunki, turli millatlarning mavjudligi ularning manfaatlarining turli-tumanliligini bildiradi. Turli obektiv sabablar va subektiv omillarning mavjudligi ayrim olingan ko‘p millatlar yashayotgan mamlakatlarda har doim ham barcha millatlarning manfaatlarini to‘laligicha amalga oshirish imkonini bermaydi. Millatlararo totuvlikni ta’minlashga bir yoqlama, yuzaki yondashuv jiddiy muammolarni keltirib chiqaradi. Xususan, davlatga o’z nomini bergan (titul) millat bilan o’sha joyda yashaydigan boshqa millat vakillari orasidagi munosabatlar katta e’tiborni talab qiladi. Bu o’ta nokiz masala. Yuzaki, bir yoqlama munosabat bo’lsa turli ziddiyatlar yuzga kelib, xalqning jipsligiga zarar keltirib, bo’linish holati yuzaga kelishi va odamlar o’rtasida beqarorlikni paydo qiladi. Bu jarayonning oldini olish ko‘p millatlar yashaydigan mamlakatlar taraqqiyoti uchun ahamiyatga ega. Milliy birdamlikni yuzaga keltirish, milliy rang-baranglikdan umummushtaraklikga erishishda milliy g’oyaning o’rni va ahamiyati beqisodir.