Mikroskopiya

Revolver nasadka bir necha uyali botiq diskdan iborat. Uning uyalariga 3-4 ta obyektivlar kiritilishi mumkin. Revolver nasadkani aylantirib, tubus yorig‘iga ixtiyoriy obyektivni ishchi holatda o‘rnatsa bo‘ladi.
Mikromexanizm korobkasi bir tarafdan kondensor kronshteynini, boshqa tarafdan tubus ushlagichni yo‘naltirish vazifasini bajaradi.Korobkaning ichida tishli g‘ildiraklar sistemasidan iborat bo‘lgan mikroskopning fokuslash mexanizmi bor.
Predmet stolchasi o‘zida preparat yoki tadqiqotning boshqa obyektini joylashtirishga mo‘ljallangan. Stolcha kvadrat yoki aylana shaklida qo‘zg‘aluvchan yoki qo‘zg‘almas bo‘lishi mumkin. Qo‘zg‘aluvchan oyoqcha gorizontal tekislikda ikkita yonidagi vintlari yordamida qo‘zg‘atilishi mumkin. Bu preparatni turli nuqtalardan kuzatish imkonini beradi. Obyektni turli nuqtalardan tekshirish etish uchun qo‘zg‘almas stolchada preparat qo‘l bilan siljitiladi. Tagida predmet stolchasining markazida manbadan tushayotgan yorug‘lik nurlari bilan yoritish uchun maxsus teshik mavjud. Stolchada ikkita prujinali klemmalar bo‘lib, ular preparatni mahkamlaydi. Mikroskopning ba’zi sitemalari preparat yuzasining tashqi qismini o‘rganish va hujayralarni sanashda kerak bo‘ladigan preparatni boshqaruvchi qurilmaga ega. Prepartni boshqaruvchi qurilma preparatning ikkita o‘zaro perpendikulyar yo‘nalishida harakatlanishini ta’minlaydi. Preparatni boshqaruvchi qurilmada lineykaning noniuslar sitemasi mavjud bo‘lib, ular yordamida tekshiriluvchi obyektlar ixtiyoriy nuqtasiga koordinatalar berish mumkin.
Makrometrik vint (makrovint) ko‘rilayotgan obyekt tasvirini tahminiy o‘rnatish uchun kerak. Makrovint soat strelkasi bo‘ylab aylanganida mikroskop tubusi pastga tushadi, teskari aylanganida – ko‘tariladi.
Mikrometrik vint (mikrovint) obyekt tasvirini aniq o‘rnatish uchun ishlatiladi. Mikrometrik vint mikroskopning eng nozik qismlaridan biri bo‘lib,u bilan ishlaganda ehtiyotkorlik zarur: tubus o‘z-o‘zidan tushib ketmasligi uchun vintni tasvirni ko‘rish maqsadida aylantirib yuborish kerak emas. Mikrovintinig to‘liq aylanishida tubus 0,1 mm.ga suriladi.
Mikroskopning optik qismi asosiy optik qismlar (obyektiv va okulyar) dan va yordamchi yorituvchi tizim (ko‘zgu va kondensor)dan iborat.