Микрои=тисодий статистиканинг объекти, услуби ва вазифалари

9.2. Harakatdagi tarkib, konteyner va uskunalar xaridi statistikasi

Temir yo‘l transporti asosiy fondlarining kengaytirilgan qayta ishlab chiqarilishi, yangi harakatdagi tarkib, konteynerlar, turli uskunalar, asbob va inventarlar xaridi kapital qo‘yilmalar rejasi asosida amalga oshiriladi. Lokomotiv, vagon, konteyner, uskunalar yetkazib berish hisobi yil boshidan bir tartibda amalga oshiriladi, bu esa plan bajarilishi darajasini baholashga imkon beradi. Harakatdagi tarkib, konteyner va uskunalarni yetkazib berish statistik hisobi quyidagicha olib boriladi: umumiy bahodagi qiymat ifodasida va jismoniy birlikda; uskuna, asbob va inventarlar esa - qiymat ifodasida. Statistikada, harakatdagi tarkibni yetkazib berish, uning quyidagi alohida turlari va rusmlari bo‘yicha hisobga olinadi: lokomotivlar, vagonlar, yo‘lovchi vagonlar. Lokomotivlar, o‘z navbatida, teplovoz, dizel- poezd, elektrovoz, elektrosektsiya, parovoz, avtomotrisa turlariga bo‘linadi. Har bir turning ichida esa- rusumlarga bo‘linadi; yuk vagonlari- turlarga; yo‘lovchi vagonlar- hillarga bo‘linadi.

Hisob momenti. Harakatdagi tarkib, konteyner va uskunalarni yetkazib berish, asbob- uskuna va inventar xaridi schetlar to‘lov momenti bo‘yicha hisobga olinadi.
Dastlabki hisob manb’asi. Schet- faktura va boshqa buxgalteriya hujjatlari hisobning birinchi manbalari bo‘lib xizmat qiladi.