Микрои=тисодий статистиканинг объекти, услуби ва вазифалари

Qurilish tannarxi statistikasi. U xarajatlar darajasi va tarkibini, ular dinamikasini, tannarxni kamaytirish topshirig‘ini bajarilishi, qurilish tannarxini pasaytirish yoki oshishga olib keluvchi sabablarni aniqlash, qurilish ishlari tannarxi indeksini hisoblashni o‘rganadi. Reja bajarilishini nazorat va tahlil qilish uchun qurilish- montaj ishlarning haqiqiy tannarxi umuman va xarajat elementlari bo‘yicha smetadagi va rejadagi tannarx bilan solishtiriladi. Qurilish- montaj ishlarining haqiqiy tannarxi ularning smetadagi tannarxi bilan solishtirilib, haqiqiy xarajatning smetadagi xarajatga nisbatan o‘zgarishi aniqlanadi. Xuddi shunday, haqiqiy tannarx rejadagi bilan solishtirilib, rejali jamg‘arish va qurilish- montaj ishlari qiymatini kamaytirish bo‘yicha reja topshirig‘i bajarilish darajasi aniqlanadi.
Qurilish obyektlarini ishga tushirish rejasi bajarilishini baholash uchun ular tayyorligi va ortiqcha bajarilgan ishlar ko‘rsatkichi aniqlanadi: tayyorlik koeffitsienti - bu, obyekt qurilayotgandan beri bajarilgan ishlar smeta qiymatining ularning umumiy smeta qiymatiga nisbati; ortiqcha bajarilgan ishlar koeffitsienti - bu, ortiqcha ishlarning umumiy ishlar qiymatiga nisbati. Statistikada, shuningdek chiqish koeffitsienti aniqlanadi. Bu koeffitsient- bajarilgan ishlar samaradorligi ko‘rsatkichi bo‘lib, ishga tushirilgan asosiy fondlar qiymatining barcha bajarilgan ishlar qiymati nisbatiga teng.