Mikrobiologiyada laboratoriya mashg’ulotlari

Kerakli  asboblar  va  reaktivlar:  Mikroskop,  sterillangan  Petri 
likobchalari, immersion moy, 9 ml suv solingan probirkalar, buyum va 
qoplag'ich  oynachalar,  mikrobiologik  sirtmoq,  skalpel,  pinsetlar. 
Oziqa  muhit.  Bo'yoqlar  (metilen  ko'ki,  fuksin),  tuproq.  Tarozi  va 
toshlari. Kolbalar.  
 
Qishloq  xo'jalik  ekinlarining  hosildorligini  oshirishda  fosfor 
birikmalari  katta  ahamiyatga  ega.  Fosfor  oltingugurt    kabi  tuproqda 
har  xil  organik  va  mineral  birikmalar  holida  uchraydi.  Tuproqdagi 
qiyin  eriydigan  fosfor  birikmalari  fizik-kimyoviy  va  biologik  omillar 
ta'sirida suvda yaxshi eriydigan bo'lib qoladi, ya'ni fosfat kislota hosil 
bo'ladi,  shundagina  fosforni  o'simliklar  oson  o'zlashtiradi.  Umuman 
tuproqda 0,05% dan 0,2% gacha fosfor bo'ladi. 
O'simlikning  tanasi  va  ildizida  har  xil  fosfor  birikmalar 
bo'lganligi uchun tuproqqa o'simlik qoldiqlari bilan tushadi va tuproq 
mikroorganizmlari tomonidan parchalanib, fosfat kislota holiga o'tadi. 
O'simliklar    fosforni  asosan  fosfor  kislota  anioni  shaklida 
o'zlashtiradi.