Mikrobiologiya va immunologiya

Shapulatova Z.J.
- SamVMI, “Epizootologiya, mikrobiologiya va virusologiya” kafedrasi dotsenti.
Ruzikulova U.X.	- SamVMI, “Epizootologiya, mikrobiologiya va virusologiya” kafedrasi assistenti.
Boltayev D.M.	- SamVMI, “Epizootologiya, mikrobiologiya va virusologiya” kafedrasi assistenti.

Taqrizchilar:

Mengliev G‘.А.	- ToshDAU, “Umumiy zootexniya” kafedrasi dotsenti, vеterinariya fanlari nomzodi.
Allamurodova M.M.	- Samarqand viloyati hayvonlar kasalliklari tashxisi va oziq-ovqat mahsulotlari xavfsizligi davlat markazi direktori.

Fan dasturi Samarqand veterinariya meditsinasi instituti Kengashida ko‘rib chiqilgan va tavsiya qilingan (2019 yil 29 martdagi 8 -sonli bayonnoma).

I. O‘quv fanining dolzarbligi va oliy kasbiy ta’limdagi o‘rni

Ushbu dasturda “Mikrobiologiya va immunologiya” fanining mazmuni, predmeti va metodi, mikrobiologiya va immunologiya mohiyati, uning maqsadi va vazifalari, O‘zbekiston Respublikasida veterinariya faoliyatini tashkil qilishning huquqiy va tashkiliy asoslari, biotexnologlik kasbiga malakaviy va axloqiy talablarga keng o‘rin ajratilgan.

“Mikrobiologiya va immunologiya” fan dasturi biotexnologiyada zarur bo‘lgan mikroorganizmlarning umumiy xususiyatlari, morfologiyasi, fiziologiyasi, genetika va ekologiyasini, ularning tabiatda moddalar aylanishi, sanoat va qishloq xo‘jaligi, har xil ishlab chiqarish tarmoqlaridagi roli, infeksion jarayonlarni, immunitet, uning turlarini, asosiy infeksion kasalliklarning qo‘zg‘atuvchilari, ularga diagnoz qo‘yish, maxsus oldini olish usullarini va shu kabi mavzular uzviylik va uzluksizlik nuqtai-nazaridan mantiqiy ketma-ketlikda o‘z aksini topgan. “Mikrobiologiya va immunologiya” fanini chuqur o‘rganish biotexnologiya sohasi muammolarini hal qilishda muhim rol o‘ynaydi.
“Mikrobiologiya va immunologiya” umumkasbiy fanlar blokiga kiritilgan fan bo‘lib, 2-kursda o‘qitilishi maqsadga muvofiqdir. Mazkur fan chorvachilik va biotexnologiya fanlarining nazariy hamda amaliy asosini tashkil qilib, o‘z rivojida Biotexnologiya ta’lim yo‘nalishlaridagi umumkasbiy hamda ixtisoslik fanlari uchun zamin bo‘lib xizmat qiladi.