Mikrobiologiya va immunologiya

III. Asosiy nazariy qism (ma’ruza mashg‘ulotlari)


1- Modul. Mikrobiologiya va immunologiya fanining umumiy qismi


1-mavzu. Mikrobiologiya fani va uning rivojlanish tarixi.

Mikrobiologiya fani va uning rivojlanish tarixi, uning veterinariya amaliyotida tutgan o‘rni, chorvachilik va veterinariya sohasidagi respublikamizdagi ijtimoiy iqtisodiy islohatlar natijalari va ilm-fan yutuqlari. Fanning vazifalari va rivojlanish istiqbollari.

2-mavzu. Mikroorganizmlarning sistematikasi va morfologiyasi

Mikroorganizmlarning sistematik belgilari va sistematika usullari, mikroblarning nomenklaturasi, klassifikatsiyasi. Mikroorganizmlar sistematikasining ahamiyati.

Bakteriyalar. Mikroblarning o‘lchami, o‘lchov birliklari. Mikroorganizmlarning tashqi belgilari bo‘yicha klassifikatsiyasi: sharsimon, tayoqchasimon (bakteriya, basilla, klostridiyalar), buramasimon bakteriyalar. Bakteriyalarning harakat organlari. Bakteriyaning tuzilishi. Kapsula, spora va xivchinlari. Mikoplazma, rikketsiya, virus, aktinomiset, mikroskopik zamburug‘larning tuzilishi, farqi, shakli, inson, hayvon va o‘simliklar patologiyasidagi roli.
3-mavzu. Mikroorganizmlarning fiziologiyasi

Bakteriyalarning kimyoviy tarkibi. Bakteriya hujayrasining tarkibida suv, mineral va organik moddalarning miqdori. Ularni bakteriyalar hayot faoliyatidagi o‘rni. Mikroorganizmlarning fermentlari va ularni klassifikatsiyasi.

Mikroorganizmlarning oziqlanishi va metobolizmi. Oziqlanish usuli bo‘yicha mikroorganizmlarning klassifikatsiyasi, autotroflar (foto – va xemoavtotroflar), geterotroflar (meta – va paratroflar). Bakteriyalar uchun uglerod, azot, vodorod, mineral moddalar va vitaminlar manbasi, bakteriya metobolizmidan biologik faol mahsulotlarning paydo bo‘lishi.
Mikroblarning nafas olish tipi bo‘yicha klassifikatsiyasi. Bijg‘ish anaerob metobolizmning bir shakli. Anaeroblarni o‘stirishda anaerobiozni paydo qilish usullari.
Mikroblarning jinssiz (izomorf) va jinsiy (kon’yugatsiya) ko‘payishi. Oziq muhitda mikroblarning ko‘payish fazalari. Ko‘payish fazasiga bog‘liq ravishda bakteriyalarning biologik xususiyatlari ifodasi.