Microsoft Word Tursunboyev S. O'zbek teatri tarixi. Majmua

«KUNDUZSIZ KECHALAR» HAQIDA SHARHLAR 
 
«Kunduzsiz  kechalar»  spektakli  markazida  o’zbek  adabiyotining  yorqin  vakili  — 
shoir,  yozuvchi  dramaturg  va  tarjimon  Cho’lpon  taqdiri  turadi.  Shu  inson  taqdiri  bilan 
qiziqqan  muallif  U. Azim  va  rejissor  V. Umarov  uning  hayoti  dramatizmi  manbalarini 
qidiradilar.  Spektakl  hujjatlar  va  tarjimai  hol  ma’lumotlariga  asoslangan  holda  shoir 
halokatining  fojiaviy  tarixi  sifatida  tasvirlanadi.  Voqealar  shoirning  ajoyib  she’rlari  bilan 
to’ldirib  berildai.  Bu  she’rlarda  Cho’lponning  iztirobli  kechinmalari  o’z  ifodasini  topgan, 
shoirning tashvishlar, shubha-gumonlarga to’la ma’naviy olami ochib berilgan. U yashagan 
davr  Cho’lponga  shafqatsizlik  qildi.  Lekin  u  insonligicha  qoldi.  Hech  kim  va  hech  narsa 
undagi  qadr-qimmatni  o’ldira  olmadi,  uning  shoirlik  salohiyatini  va  erksevar  g’oyalarini 
buka olmadi. 
 
Muhabbat To’laxo’jayeva,
 «Rejisor izlanishlari», 
«Teatr» jurnali, 1999-yil, 1—2-sonlar. Muhsin 
Qodirov, «Teatr» jurnali, 2002-yil, 5-son. 
 
Bosh  rol  ijrochisi  M. Abduqunduzov  Cho’lponning  o’z  davri  uchun  kim  bo’lganini 
tushunishga,  uning she’riy  va  hayotiy  maslagini aniqlashga orzumand.  Aktyor  xarakterida 
jilovlangan kuch, ziyolilik, ichki  madaniyat jo’sh urgan inson siymosini gavdalantirgan. U 
muomala  va  odob  doirasidan  chetga  chiqmaydi.  Uning  jo’shqin  mijozi  faqat  yakuniy 
sahnadagina,  sabr  kosasi  to’lib,  tahqirlashlar  haddan  oshgandan  keyin  yuzaga  qalqib 

---

chiqadi.  M. Abduqunduzov  Cho’lpon  obrazini  poetik  teranlik  va  hissiy  jo’shqinlik  bilan 
to’ldirishga muvaffaq bo’lgan.