Microsoft Word Tursunboyev S. O'zbek teatri tarixi. Majmua

«TAQDIR ESHIGI»: TO’G’ON REJAMETOV ERKAK ROLIDA 

---

 
...«Taqdir  eshigi»  pyesasining  o’ziga  xosligi  ko’p  qatlamli  mushohada  yo’sini 
spektaklda  o’zgacha  jilo  bilan  aks  etgan.  Spektaklda  yosh,  ammo  dunyoqarashlari 
mustahkam qaror topgan san’atkorlarning ijodiy hamkorligi namoyon bo’ldi. Bu ma’noda, 
ayniqsa,  rejissor  (Habibulla  Fayziyev)  va  ikki  aktyor  havas  qilarli  hamjihatlikka 
erishganlar.  Spektaklda  bosh  qahramon  bo’lmish  Ayol  rolini  Shirin  Azizova  bugungi 
professional mezonlar talabiga javob bera oladigan darajaga ko’targan. 
O’zbekistonda  xizmat  ko’rsatgan  artist  To’g’on  Rejametov  ham  o’zining  eng  yaxshi 
sahnaviy  obrazini  yaratgan  edi,  desak  ham  mubolag’a  bo’lmaydi.  To’g’ri,  To’g’on 
Rejametovning  kino  va  teatr  ijodiy  biografiyasi  boy  va  serqirra  edi.  Boz  ustiga,  u  ijodiy 
tafakkuri  kamolga  yetgan  yuksak  intellektual  madaniyatli  aktyorlar  sirasiga  kiradi.  Uning 
shu davrgacha bo’lgan ijodiga nazar tashlansa, ikki yorqin cho’qqini ko’ramiz. Bular «26-
otilmasin» filmi va «Taqdir eshigi» spektaklida o’ynalgan rollaridir. 
«Taqdir  eshigi»da  To’g’on  Rejametov  o’z  ijodiy  uslubiga  sodiq  qolgan, 
qahramonining  murakkab  ichki  dunyosini  ochib  berishda  hayotiy  talqinga  erishgan. 
To’g’on  Rejametovning  bu  qahramoni  talabchan  o’lchovlar  mezonida  ham  o’zining 
zamonaviyligi,  shu  dolzarb  asrimiz,  bugungi  kunimiz  ekanligiga  ishontira  oladi.  To’g’on 
Rejametov yengil kulgi qo’zg’atuvchi emas, balki chuqur mulohazaga da’vat etuvchi lirik, 
hatto romantik obraz yaratib, o’zbek teatri tarixiga o’ziga xos sahnaviy durdona armug’on 
etganiga ishonch hosil qilamiz. 
Afsuski,  shunday  iste’dodli,  teran  talqin  ustasi  bo’lmish  aktyorni  bevaqt  o’lim 
oramizdan olib ketdi.