Microsoft Word Tursunboyev S. O'zbek teatri tarixi. Majmua

 
Sotimxon Inomxo’jayev.
 «Insoniy poklikni sharaflab...»,
 
«O’zbekiston adabiyoti va san’ati» gazetasi. 
1983-yil, 4-fevral. 
 
O’zbek Yosh tomoshabinlar teatrining Sharof Boshbekovning «Eski juva gavroshlari» 
pyesasi asosida yaratgan spektakli teatr hayotida yaxshi bir sahifa ochdi. Bu teatr sahnasida 
o’smirlar  hayoti  bilan  bog’liq  asarlar  an’anaviy  tarzda  ta’lim-tarbiya,  odob-axloq  kabi 
muammolar  atrofida  bo’lardi.  Ularning  ancha  sodda,  hatto  primitiv  sujet  yo’nalishi, 
g’oyaviy  yalang’ochligiga  ham  deyarli  ko’nikib  qolgandik.  Bolalar  oldida  bolalar  haqida 
hikoya  qilish  o’rniga,  ularda  ota-onalarining  ta’lim-tarbiyadagi  noshudliklari  muhokama 
qilinardi. Umuman olganda, yangi spektaklda shunga o’xshash ayrim alomatlar bor. Lekin 
avtorning  u  orqali  sahnada  harakat  qilayotgan  qahramonlarning  keng  ma’nodagi 
samimiyligi,  yonib  turgan  qalbi, o’z  hayotini  — demak,  u orqali  yurti  hayotini  yaxshiroq, 
go’zalroq  ko’rishga  intilish  va  ishonchi,  inson-insonga  do’st-birodar,  degan  g’oya 
shiorlarda  emas  —  kishilar  qismatida,  xatti-harakatida,  intilishlarida  buloq  suvidek 
beg’ubor  sizib  chiqishi,  qahramonlarning  qilmishi,  yurish-turishining  barcha  turdagi 
tomoshabinga birdek tanish va yaqinligi, eng muhimi (garchi birinchi planga chiqarilmasa 
ham) jamiyatimizdagi kamchiliklardan ko’z yumilmagani, tomoshabinlar oldida, ular bilan 
umum  va  shaxsiy  muammolar  ustida  fikrlashga  bo’lgan  chuqur  va  samimiy  intilish 
spektaklga o’zgacha ruh baxsh etgan... 
 
Hamidjon Ikromov,
  «O’zbekiston adabiyoti 
va san’ati» gazetasi, 1989-yil, 
16-iyun, 25-son. 
 

---