Microsoft Word Tursunboyev S. O'zbek teatri tarixi. Majmua

 
Ikki a’yon chopib chiqib ketishadi. 
 
F a r g’ o n i y. Xalifai zamon. Meni afv eting! 
 
Keldim oldingizga vidolashgani! 
 
Endi bizga ruxsat?.. Kelgindi zoti 
 
Aslo sig’mas erkan o’zga tuproqqa!.. 
 
O’zga elda sulton bo’lg’ondin ko’ra, 
 
O’z elingda o’g’lon bo’lg’on soz erkan! 
 
Ma’mun jim. Farg’oniy xurjundan kitoblar olib, ularni yerga taxlay boshlaydi. 
 
 
Ushbu kitoblarg’a, barcha oldida 
 
Hozir o’t qo’yamen! Chunki bularning 
 
Hammasi soxta-yu, hammasi yolg’on! 
M a’ m u n. Ha, xabarim bor! 
 
«Yuksak olimlar»ning da’volari bu! 
F a r g’ o n i y. «Shammosiya» rasadin poydevori 
 
Kuyib kuli ko’kka sovrilg’onidin, 
 
Oqibatda mening jism-u jonim ham 
 
Kuyib kul bo’lg’ondin ogoh hamdursiz? 

---

M a’ m u n. Baridin ogohmen! 
F a r g’ o n i y. Shundaykan, endi 
 
Faqirga ijozat bergaysiz! 
M a’ m u n. Shoshmang! 
 
Avval isbotlansin gunohlaringiz!.. 
 
Qani, allomalar, yuzma-yuz turib, 
 
Da’volarni isbotlash payti hozir!.. 
 
Nega jim turibsiz? 
A b u  M a n s u r. Isboti tayyor! 
 
Al-Xorazmiy yerning ma’mur qismini, 
 
Ya’ni inson yashaydigan joylarin 
 
Ajratadi to’g’ri yetti bo’lakka!.. 
 
Farg’oniy ham aynan shu fikrlarni 
 
«Hisobil aqolim as-sab’a»sida, 
 
Ya’ni «yetti iqlim» risolasida 
 
Faqat qaytarganlar hech o’zgarishsiz! 
M a r v a z i y. Qolaversa, Arastu va Putelmus... 
M a’ m u n. Fanning tanasiga tushgan marazlar! 
 
Haqiqiy olim deb kim aytur sizni?.. 
 
O’tmish olimlarning ijodlaridin 
 
Bebahra, beta’sir qaysi bir donish 
 
Hayrat dunyosini yarata olg’on?.. 
 
Ayting, qaysi daho o’tmishni bilmay, 
 
Hozirgi davronning taraqqiysig’a 
 
Hissa qo’sha olg’on? O’zgartira olg’on?.. 
 
Shunga ham aqlingiz yetmaskan, nechun 
 
Haqiqiy olimni yerlarga urib, 
 
Ani chalg’itasiz izlash, ijoddin?.. 
 
Farg’oniy, ketmaysiz hech qayoqqa siz! 
A b u  M a n s u r. Anda biz keturmiz! 
M a r v a z i y. Biz ham keturmiz! 
M a’ m u n. Keting! Hozir keting! «Bayt ul-hikma»da 
 
Endi sizga aslo joy yo’q! Tez keting!