Microsoft Word Tursunboyev S. O'zbek teatri tarixi. Majmua

 
Abu Mansur va Marvaziy shitob bilan chiqib ketishadi. 
 
 
Qolganlar ham yaxshi bilib qo’ysinlar! 
 
Xalifa Ma’mun tokim o’lguncha 
 
Boshiga ko’tarur chin iste’dodni! 
 
Kimki soxtalikka oshno bo’larkan, 
 
Anga do’st bo’lgum yo’q ikki dunyoda!.. 
 
Kitoblarni yig’ib oling, Farg’oniy! 
 
Yerga sochmang asl durdonalarni!.. 
 
Yaxshimu, yomonmu, avlodga sizdin 
 
Yodgor bo’lib qolur ushbu kitoblar!.. 

---

 
Ana u soxtago’y zotlardin ersa 
 
Hech vaqo qolmag’ay kelajakka, ha, 
 
Hech vaqo qolmag’ay, afsus, ming afsus... 
T a b i b. Al-Yoqub tuzaldi!.. O’ziga keldi!.. 
A l - Z o k i r. Nima?.. Tuzaldi?.. 
T a b i b. Ha, ha, tuzaldi!.. 
M a’ m u n. Yaratgan, aylanay karomatingdin!.. 
 
Bechora Al-Yoqub tuzaldimu, a? 
T a b i b. Ha, Xalifam, ha! Tuzaldi Al-Yoqub, 
 
Butkul tuzaldi! 
F a r g’ o n i y. Xudoyimga shukur, 
 
O’zginangga shukur, Allohi karim!.. 
 
Bilardim saxovat, karomatingdin 
 
Bahramand qilishing biz g’ariblarni... 
M a’ m u n. Bosh tabib boshidin oltin sochilsun! 
T a b i b. Yo’q, mening boshimdin ermas, xalifam, 
 
Farg’oniy boshidin sochilsin oltin! 
M a’ m u n. Ne sabab? 
T a b i b. Sababi, ustoz Farg’oniy 
 
Ona diyoridin keltirgan giyoh... 
F a r g’ o n i y. Yo’q, yo’q, karvonboshi keltirgan giyoh, 
 
O’sha inson olib kelgan «zargiyoh!».. 
T a b i b. Xullas Farg’onadan kelgan «zargiyoh» 
 
Forig’ qildi telbalikdan.. 
Boshi oq ro’mol bilan bog’langan Al-Yoqub asta kirib keladi, hamma hayratda, beso’z 
unga tikilib qolgan Al-Yoqub har bir kishi qarshisida to’xtab, sinchkov nazar tashlaydi. Al-
Zokir bilan ko’zlar to’qnashib, bir-birlariga uzoq tikilib qolishadi. 
A l - Z o k i r. Sen ...nima... 
 
Meni ... Al-Zokirni tanimadingmu?.. 
Al-Yoqub. Yo’q, yo’q... tanigandek bo’lyapman... ha, ha... 
F a r g’ o n i y. Al-Yoqub, azizim... 
Al-Yoqub. Ustoz Farg’oniy.