Microsoft Word Tursunboyev S. O'zbek teatri tarixi. Majmua

 
QUYIDA «TO’MARIS» ASARIDAN PARCHA BERILDI 
T o’ m a r i s.  Jarchilar,  massagetlar  urug’iga  jar  soling!  To’maris  so’zim!  Qabila 
tuprog’i  xavf  ostida.  Qo’lida  qilich  tuta  oladigan,  yuragida  o’ti  bor,  yigit-u  qiz,  erkag-u 
xotin  himoyaga  otlansin.  Kimki  qondan  seskansa,  qabiladan  chiqmagani  ma’qul. 
Yodingizda  bo’lsin,  biron  kimsa,  xoh  ayol,  xoh  erkak  qilichdan  cho’chib  ortiga  chekinar 
ekan,  shafqat  yo’q,  boshidan  judo  bo’lgay.  Unutmang,  ortimizda  qabila,  onalarimiz, 

---

bolalarimiz qolayotir. Ularni dushmanga  xor-u zor qilishni  istamagan kimsa borki, jangga 
otlansin!  Qabiladoshlar  biz  ustun  kelamiz,  chunki  biz  sha’nimizni,  qabilamizni  himoya 
qilayotirmiz. Qabilada qolayotganlar, shu so’zlarim qulog’ingizda bo’lsin. Gar falokat yuz 
tutib, lashkarlarimiz mag’lub kelsa, kulbalarga o’t qo’ying, bironta tirik jon forslar qo’liga 
tushmasin.  Bizdan  keyin  yashaganlar,  massagetlar  eroniylarga  qul  bo’lgan,  deyishmasin. 
Ular oxirgi qoni qolguncha  yurtini  himoya qilib, dushman  ustun kelganda qabilalariga o’t 
qo’yib,  o’zlari  alangada  yonib  ketganlar.  Massagetlar  ana  shunday  mardonavor  xalq 
bo’lgan,  deb  eslasinlar.  Onajonlar,  bobojonlar  farzandlaringizni  menga  hamroh  eting. 
Jangga ularni men boshlab kirar ekanman muqaddas tuproq, kindik qonim to’kilgan yurtim 
haqqi  qasam  ichaman. Agar jangda bir qadam ortga chekinsam, shu ona tuproqqa  xiyonat 
qilsam, Momo Yer va Bobo Quyosh qahriga uchrayin! 
(
Samoviy kuchlar kirib qolishadi
.) 
M o m o  Y e r. To’maris shamshirni tashla! 
S a m o v i y  k u c h l a r. Tashla shamshirni! 
T o’ m a r i s. Yo’q, tashlolmayman, yurtim xavf ostida. 
B o b o  Q u yo sh. To’maris, qo’lingda ajal! 
T o’  m  a r  i s.  Ha,  men ajalning dastidan  tutib  turibman. Ixtiyorimdan  ustun bo’lgan 
ishga jazm etdim. O’zga chora yo’q. 
O n a   S a m o.  Sen  ajalning  Zaminda  keng  quloch  yoyishiga  imkon  berayotirsan. 
Nahotki cho’chimasang, qon hididan bahra oluvchi o’lim borliqni ishg’ol etadi. Yer yuzida 
hayot quriydi, tashla shamshirni. 
T o’  m a r  i s. Yurtimga  yov ajal bilan kelayotir, ajal bilan qarshi chiqmoqdan o’zga 
yo’l yo’q. 
O n a   S a m o.  Qani  insonlarga  hadya  etilgan  shafqat,  mehr,  muhabbat.  Barchasidan 
mahrum bo’lgan ular. 
T o’ m a r i s. Agar sen barchasiga qodir bo’lsang yovni to’xtat Ona Samo! 
O n a   S a m o.  Yo’q,  bu  mumkin  emas.  Inson  yetuk  yaratilgan,  barchasini  o’zi  hal 
etmog’i darkor. 
T  o’  m  a  r  i  s.  Gar  shunday  ekan  mening  yo’limni  to’sma.  Qabila  taqdiri  qil  ustida 
turibdi, ularning qul bo’lishini istamayman. Insonni e’tiqodidan judo etish, erkini qo’lidan 
olib kul qilish ajaldan ham dahshatliroqdir... 
 
Muallif qo’lyozmasi asosida chop etildi. 
 
 

---