Microsoft Word Tursunboyev S. O'zbek teatri tarixi. Majmua

N.RAHIMOVNING QUSHBEGI ROLI HAQIDA O.RIZAYEV SHARXI 
Urganji  Nabi  Rahimovning  favqullodda  katta  yutug’idir.  Nega  deganda,  aktyor  uzoq 
yillik  ijodiy  biografiyasida  ko’plab  salbiy  qahramonlar  xarakterini  yaratgan  bo’lsa-da, 
Qushbegi Urganjini  ularning  hech biriga qiyoslab bo’lmaydi. Shu paytgacha aktyor salbiy 
qahramon  qiyofasini  ko’proq  izchil  xatti-harakatlarda  chizishga  intilgan  bo’lsa,  Urganji 
bunday chizg’ilardan butkul yiroq. Aktyor go’yo kinokamera ro’parasida turgandek, uning 

---

ijrosida biron bir ortiqcha harakat, tashqi sarosimalik, yuzaki ifoda ko’rinmaydi. Harakatlar 
o’ta tejamli, obrazning  mohiyati, asosan, ichki  holatlarda  ifoda qilinadi... Urganji  — Nabi 
Rahimov  yovuzlik,  mustabidlik,  shafqatsizlik  timsoli  sifatida  gavdalanadi.  U  sahnada  har 
gal ajal sharpasidek, to’satdan  paydo bo’ladi. Uning qadami  yetgan joyda albatta  oh-nola, 
qiy-chuv,  dod-faryod  ko’tariladi...  Urganji  —  Nabi  Rahimov  sirtdan  sokin  ko’rinsa-da, 
uning  ruhida  kechayotgan  shiddatli  ruhiy  kechinmalarni  aslo  inkor  qilish  mumkin  emas. 
Tomoshabinlarning unga la’nat toshini yog’dirishi ham shundan. Bu ham aktyorning kuchli 
ruhiy ta’sir eta olganligining mahsulidir. 
 
Omonulla Rizayev
. «Nabi Rahimov». G’afur G’ulom 
nomidagi Adabiyot va san’at nashriyoti, 
1997-yil, 65-bet.