Microsoft Word Tursunboyev S. O'zbek teatri tarixi. Majmua

S.ESHONTO’RAYEVA OYXONBIBI OBRAZI HAQIDA E.UMAROV SHARXI 
Oyxonbibining  o’g’li  Fozilxo’ja  murakkab  chalkash  xayollar  girdobida  qoladi.  Najot 
yo’lini  topolmay  chakkasiga  to’pponcha  qadaydi,  iztirob  chekadi.  Chunki  u  tanlagan  yo’l 
g’oyat xatarli, u o’lim bilan olishmoqda. Shu vaqt o’g’li oldiga ona — Sora Eshonto’rayeva 
kirib  keladi:  «...  Bas  qil,  bas!  Tur  o’rningdan...  Qaddingni  rost  tut.  Xudoga  ming  qatla 
shukur  qilaman.  Qo’rqoq,  xudbin,  yuzi  qora  zolim  o’g’il  emas,  qalbi  pok,  aqli  raso,  sher-
yurak o’g’il tuqqan onaman. Sen qachonki qaddingni buksang, zolimlar oldida bosh egsang, 
orqaga qaytsang, qo’rqsang, amirdan rahm-shafqat tilasang, ana shunda seni  men duoibad 
qilaman». 
O’limga  ham  tik  boruvchi  bu  ona  obrazi  aktrisa  uchun  juda  qo’l  kelgan.  Dramatik 
material  kuchli  bo’lsa,  ijrochi  uchun  ham  katta  imkoniyat  tug’iladi.  Bu  real  imkoniyatdan 
aktrisa  unumli  foydalangan.  Ona  va  farzand  o’rtasidagi  dialogni  kuzatar  ekanmiz, 
S. Eshonto’rayeva  yaratgan  xarakter  —  jonli,  poetik,  mardonavor  ayol  qiyofasiga  havas 
bilan boqamiz. Ana shunday jasur, sofdil ayollar buyuk farzandlar tarbiyalashlariga ishonch 
hosil qilamiz. 
 
Erkin Umarov
, falsafa fanlari doktori. «Kashfiyot», 
«O’zbekiston madaniyati», 
1975-yil, 15-iyul.