Microsoft Word Tursunboyev S. O'zbek teatri tarixi. Majmua

 
 
 
 

---

«BUXORO» SPEKTAKLIDA 
YOQUB AHMEDOV FOZILXO’JA ROLIDA 
Folizxo’ja  timsolida  zulmat  ichida  o’ziga  noma’lum  bo’lgan  ziyoga,  ammo  mavjud, 
hammani  o’z  yog’dusi  bilan  baxtiyor  eta  oluvchi  nurga  intiluvchi,  butun  borlig’ini  shu 
yo’lga tikkan va oxiri shunga erishuvchi ajoyib inson obrazi gavdalangan. 
Beqasam to’n kiygan, surma rang shohi salla o’ragan, xushqomat bu yigitning muazzin 
azoni tingach, tong chog’ida minoralar qarshisidagi holatini unutish qiyin. Ham g’urur, ham 
o’kinch, ham iztirobi bir-biriga qo’shilib ketadi bu yerda. Shodiya bilan birinchi uchrashuvi 
ikki  yoshning katta sevgisidan  hikoya qiladi.  Fozilxo’ja  — Ahmedov  uchun eng qimmatli 
fazilat  shundaki,  unda  shaxsiy  drama  ijtimoiy  burch  tuyg’usi  bilan  qorishgan  holda 
ko’rinadi.  Zotan,  sevgi  xo’rligi,  inson  erki  shubhasiz  ijtimoiy  erkinlikka  bog’liqdir. 
Fozilxo’janing shaxsiy dardi undagi shu e’tiqodni kuchaytiradi va uning amirlik saltanatiga 
bo’lgan  muxolifligini  oshirib  boradi.  Demak,  Fozilxo’ja  faqat  erkinlik  haqida  so’z 
ochuvchi, o’zining shaxsiy dard, tashvishidan mahrum kishi emas, balki unda ham bir inson 
tabiatiga  xos  shaxsiy  manfaatdorlik  tuyg’usi  ham  bor.  Yoqub  Ahmedov  ko’rsatgan 
obrazning hayotiyligi shundadir. 
 
Sotimboy Tursunboyev.
 «Ajoyib inson obrazi». 
«O’zbekiston madaniyati». 1975-yil, 15-iyul.