Microsoft Word Tursunboyev S. O'zbek teatri tarixi. Majmua

«ZAL MISOLI QAYNAB TURDI» 
Yomg’urli Bokudan so’ng, meni osmonida quyosh charaqlab turgan Toshkent bag’riga 
oldi.  Men  bu  go’zal  shahar  bag’rida  O’zbek  do’stlarim  qalblarining  haroratini  sezib 
turardim... 
Hamza  nomli  o’zbek  davlat  akademik  drama  teatrida  «Hamlet»  spektaklini  zo’r 
qiziqish bilan tomosha qildim. Shundan so’ng ana shu mo’tabar teatr sahnasida Uyg’un va 
Izzat Sultonning  «Alisher Navoiy» spektaklini ko’rdim.  Bu spektaklning  mualliflariga  har 
qancha tahsin va ofarin o’qilsa ozlik qiladi deb o’ylayman. Yaqinda bu spektakl 600 marta 
o’ynaldi.  O’sha  kuni  tomosha  jarayonida  o’zbek  san’atkorlarining  ijodiy  muvaffaqiyatlari 
yana  bir  bor  namoyish  qilindi.  Bunday  emotsional,  tarovatli  va  g’oyatda  teran  spektakl 
yaratish  har  qanday  teatrga  ham  nasib  bo’lavermaydi.  Men  zalda  ana  shu  spektaklni  bir 
necha marta tomosha qilgan kishilarni uchratdim. Ular go’yo birinchi marta ko’rayotgandek 
zavqlanishardi. Zal misoli qaynab turdi, dengiz yanglig’ mavjlandi... 
Men  ko’pdan  buyon  bunchalik  zavqli  spektakl  ko’rmagandim.  Kishini  undagi  poetik 
kuch  g’oyat  hayratda  qoldiradi.  Uning  g’oyat  barkamollik  baxsh  etishida  Alisher  Navoiy 
rolini katta mahorat bilan ijro etgan xalq artisti Olim Xo’jayevning zo’r hissasi bor. U o’z 
obrazini ulug’ shoir va ma’rifatparvar, insonparvar va nozik qalb egasi sifatida talqin etadi, 
xalqqa bo’lgan mehr-muhabbatini ustalik bilan ifodalaydi. Biz spektakl boshidayoq undagi 
kuchli ehtirosni sezamiz  va beixtiyor sevib qolamiz. Spektakldagi Navoiy  dono, oliyjanob 
va  mutafakkir  siymodir.  U  o’z  ma’naviy  olami  bilan  davrdagi  barcha  kishilardan  yuksak 
turgan dahodir. 
Jobir Safarov
. «San’at sehri». «O’zbekiston 
madaniyati» gazetasi, 1966-y, 1-may, 34-son.