Microsoft Word Tursunboyev S. O'zbek teatri tarixi. Majmua

 
 
Navoiyning hovlisi... 
 
N a v o i y. Salom, do’stlar! 
J o m i y. Alisher! 
N a v o i y. Salom, ustod! 
A b u l m a l i k. Pirim! (
Ko’rishadilar
.) 
 
Jomiy yoshini artadi. Fotiha o’qiladi. 
 
N a v o i y.  Azizlar,  sizlarni  sog’intirib  qo’yganim  uchun  uzr  so’rayman!  Ammo  ayb 
menda  emas.  Shahanshoh  orqamdan  maktub  qo’ndirib,  Balhda  uzoqroq  turib  adolat 
o’rnatishimni,  so’ngra  mamlakatimizning  boshqa  shaharlariga  ham  o’tib  kelmog’imni 
iltimos  qilgan  edilar.  Balhdin  Mashhadga,  undan  bo’lak  shaharlarga  o’tdim.  Qishloqlarda 
bo’ldim.  O,  qanday  mehnatsevar  xalqimiz  bor,  faqat  yo’llarda  ko’zga  tashlanuvchi 
qovjiragan  dalalar,  qaqragan  qishloqlar  ko’ngillarni  g’amgin  qiladi...  Qishloq  ahllariga 
ariqlar  chiqarib,  xalqni  suvga  ma’mur  qilmoqchi  bo’lganimizni  aytdim.  Ko’zlari  sevinch 
yoshlariga  to’ldi,  haqqimga  duo  qildilar.  Pirim,  shu  sof  ko’z  yoshlar  hurmati,  ariq  qazish 

---

ishlarini  kuchaytiramiz.  Hozir  barcha  imkoniyat  mavjud.  Mamlakat  tinchidi,  shohni  zulm 
yo’liga boshlamoqchi bo’lgan fitnachi o’rgimchak yanchildi. (
Hamma jim
.) Nechun jimsiz? 
Tashvishli ko’rinasiz? 
J o m i y (
og’ir
). Alisher, baxtga qarshi hali o’rgimchak hayot. 
N a v o i y. Nechuk? Majiddin hayotmi? Shoh ko’z oldimda jallodga buyurgan edi-ku! 
J o m i y. Makr-hiyla qarshisida shohlar ham bo’yin egadi, Alisher. 
N a v o i y (
hayajonda
). Darvish Ali qayerda? 
J o m i y. Zindonda. 
 
Navoiy fojiani anglay boshlaydi. Uning yuzlarini g’azab va g’amginlik qoplaydi. 
Og’ir jimlik. 
 
N a v o i y. Makr-hiyla... Aldash... Yashashning naqadar yaramas usullari. Makr-hiyla 
ojizlarga qurol, olchoqlarga qalqon, yuzsizlikning niqobi! (
Pauza
.) 
 
Niqobi igna sanchar yorlardin, 
 
Munofiq qalbaki dildorlardin, 
 
Yashirmay nayza sanchar yovlar ortiq!.. 
 
Emish xo’rlik, haqorat, hiyla tortiq 
 
Sadoqatlar bilan qilgan ishimga, 
 
Zarur deb, ezgu deb bilgan ishimga. 
S o h i b d o r o. Hayosiz bilmagay hech vaqt vafoni, 
 
Vafoga almashur shohlar jafoni! 
N a v o i y. Qo’ying, mayli, alar bilguncha qilsun! 
 
Zulm chahmoqlari, mayli chaqilsun, 
 
Yovuzlik dengizi, mayli qutursun, 
 
Hasad to’lqunlari qirg’oqqa ursun, 
 
Muqarrar, oqibat bizningcha bo’lg’ay. 
 
Adolat nurlari olamga to’lg’ay.