Microsoft Word togaymurod otamdan qolgan dalalar lotin ziyouz com doc

 
73
Men bir amallab Ziyodni onasini eshakka mindiraman. Men bir amallab eshak no‘xtasidan 
yetaklab olaman. 
Ziyodni onasi paxtazorga boqib-boqib yig‘laydi: 
— Voy bolam-ay, paxtaga yo‘liqqan bolam-ay!..
Ziyodni onasi paxtazorga aytib-aytib yig‘laydi: 
— Voy bolam-ay, paxta urib ketgan bolam-ay!.. 
TO‘RTINCHI BOB 
 
1 
Yer haydasang kuz hayda, kuz haydamasang yuz hayda! 
O‘ynab qo‘yay! Maqoldan-da o‘ynab qo‘yay, shu maqolni aytmish eldan-da o‘ynab qo‘yay! 
Men dalalarimga temirtish soldim. Dalalarimni qirq santim o‘yib haydadim. 
Qirq santimdan chuquri havo ko‘rmagan yer bo‘ladi. Suv ko‘rmagan yer bo‘ladi. O‘lik yer bo‘ladi! 
Yer chuqur haydalsa — ana shu o‘lik yer yuzalab-yuzalab qoladi. 
O‘lik yerda chigit qiyg‘os unmaydi. O‘lik yerda g‘o‘za o‘z vaqtida yetilmaydi. O‘lik yerda paxta 
hayallaydi. 
Men temirtish bilan dalalarimni yonboshlab-yonboshlab haydadim. Men temirtish bilan dalalarimni 
palaxsalab-palaxsalab haydadim. 
Dalalarim osti ustun bo‘ldi, dalalarim usti ostin bo‘ldi. 
Dalalarimda ko‘rsichqonlar o‘rmalab chopdi. Dalalarimda ko‘rsichqonlar yo‘rg‘alab chopdi. 
Ha, o‘ynab qo‘yay, bidir-bidir yo‘rg‘alashlaringdan, o‘ynab qo‘yay, dedim. 
Ko‘rsichqon yer kovlay beradi, yer kovlay beradi — dalalarimni muloyimlayda-da. Ko‘rsichqon 
bir yer osti, bir yer usti bo‘ylab bidirlay beradi-bidirlay beradi — yer osti havo yo‘llarini ochadi-da. 
Ko‘rsichqon yer ostini shamollatib-shamollatib turadi-da. 
Shu boisdan ko‘rsichqon bor dala semiz-semiz keladi. Ko‘rsichqoni bor dala unumli-unumli keladi. 
Dalalarim g‘imir-g‘imir chuvalchang bo‘ldi. 
Men tag‘in-da xushvaqt bo‘ldim — chuvalchang bor dala dalamisan-dala bo‘ladi. Chuvalchang bor 
dala dalalar gultoji bo‘ladi. Chuvalchang bor dala dalalar xo‘rozi bo‘ladi! 
Boisi — chuvalchang yerda bor bo‘lmish jami nimani chiritib-chiritib o‘g‘it etadi. Chuvalchang 

---

Tog‘ay Murod. Otamdan qolgan dalalar (roman) 
www.ziyouz.com
kutubxonasi 
45
yerni qayta-qayta ishlaydi. Chuvalchang yerni mayin-maynn saqlaydi. 
Dalalarimda oppoq-oppoq qurtlar-da bo‘ldi. 
Temirtish izidan qarg‘alar ergashdi. Temirtish izidan qushlar ergashdi. 
Qarg‘alar oqqurt ovlab yedi. Qushlar chuvalchang terib yedi. 
Men qarg‘alar qilmishidan rozi bo‘ldim — oqqurt hesharotlar onasi bo‘ladi. Katta bo‘lsa, qanot 
olib uchadi. 
Qosh qoraydi. 
Men traktor chiroqlarini yondirdim. 
Chiroq yorug‘ida tulkilar qora berdi. 
Tulkilar temirtish ketidan ergashdi. Tulkilar qo‘ng‘iz terib-qo‘ng‘iz terib yedi. 
Tulkilar qaerdan keldi, qachon keldi —unisini yolg‘iz tovuqlar bildi.