Microsoft Word togaymurod otamdan qolgan dalalar lotin ziyouz com doc

 
33
Men Ziyodni onasi oyog‘idan olib yuboraman. 
O‘zim eshak oldida boraman. 
Ziyodni onasi Ziyodni yo‘qlaydi. 
— Ziyod ketishidan oldin biron nima demab edimi? — deydi. 
— Deb edi, — deyman. 
Ziyodni onasi birdan sergaklanadi, Ziyodni onasi taqqa no‘xtani tortadi. 
— Nima deb edi? — deydi. — Ayt, nima deb edi? 
— Dehqonqul oshna, seni samolyotimga mindiraman, deb edi.
— Tag‘in nima deb edi? 
— Tag‘in, direktorni samolyotimga mindnrmayman, deb edi. 
Ziyodni onasi zarda bilan eshak niqtalaydi. 
Men dorilangan dala boshida oyoq ilaman. 
Ziyodni onasi eshagidan imillab yerlaydi. Yerda serrayib qoladi. Tevarak-bosh qaraydi. 
Ziyodni onasi tutlar orasida paypanglab alanglaydi. Ziyodni onasi o‘qariqlarda paypanglab 
alanglaydi. Ziyodni onasi g‘o‘zalar ostida paypanglab alanglaydi. 
— Bu joyni oti nima? — deydi. 

---

Tog‘ay Murod. Otamdan qolgan dalalar (roman) 
www.ziyouz.com
kutubxonasi 
44
— Paxtazor, — deyman.
— Paxtazorda paxtadan boshqa nima bo‘lmasa, ulim nimaga yo‘liqadi? 
Ziyodni onasi kaftini peshonasi soyabonlab qaraydi. Biron-bir nima topamanmi, deydi— 
topolmaydi. 
Ziyodni onasi sukut olib quloq soladi. Biron-bir nima eshitamanmi, deydi — eshitolmaydi. 
Ana shunda Ziyodni onasi paxtazor qarab-paxtazor qarab chaqiradi:
— Ziyod-u-u-u! 
Men Ziyodni onasi qo‘lidan tortib-tortib yig‘lab qo‘ya beraman. 
— Yuring ketamiz, momo! — deyman. — Yuring ketamiz, hozir samolyot keladi! 
Ziyodni onasi gapimni korlamaydi. Entikib-entikib chaqiradi: 
— Ziyod-u-u-u! 
Ziyodni onasi o‘pkasi to‘lib-to‘lib chaqiradi: 
— Ziyod-u-u-u!