Microsoft Word togaymurod otamdan qolgan dalalar lotin ziyouz com doc

www.ziyouz.com
kutubxonasi 
79
Boridan yo‘g‘i yaxshi bo‘ladi! 
Boisi — g‘o‘za ostini ishlagich mazkur texnika keti bir ramalik. U baland shatakka taqiladi. 
Natijada traktordan xiyla keyinda turadi. Shu bois, yerdan risoladagiday ko‘tarilmaydi. 
Oqibat — to‘rt-besh qadam dala bosh-adoq g‘o‘zani qirqib-qirqib buriladi. Oqibat — to‘rt-besh 
qadam dala bosh-adoq oppoq paxtani nobudlab-nobudlab buriladi. 
Men yo to‘rt-besh qadam dala bosh-adoq g‘o‘zamni ekmasligim lozim bo‘ldi, yo eksam-da, to‘rt-
besh qadam g‘o‘zamni o‘rib-o‘rib tashlashim lozim bo‘ldi, yo... ana shu yangi texnikadan kechishim 
lozim bo‘ldi. 
Men yangi texnika bahridan o‘tdim. 
Chin-da, yangi texpika deya atalmish go‘rso‘xtani nima qilaman? Chin-da, dala bosh-adoq 
g‘o‘zalarimni kunpayakun etib nima qilaman? 
Eskisi traktor bortovoyiga taqiladi. Traktor ballonlari oralig‘iga taqiladi. Shu boisdan-da eskisini 
yerdan ko‘tarib olish g‘oyat o‘ng‘ay bo‘ladi. Eskisini burib olish g‘oyat qulay bo‘ladi. 
Eskisi bitta-da g‘o‘zamni qirqmaydi. Eskisi bitta-da g‘o‘zamga ziyon bermaydi. 
Men har yil ana shu eski texnika tufayli dalalarim bosh-adog‘idan yigirma tonna oppoq paxtamni 
omon olib qolaman. 
Yigirma tonna olpoq-oppoq paxta! 
Aytishga oson —og‘iz bir chetidan chiqadi-ketadi. 
Aslida — yigirma tonna oppoq paxta el-yurt uchun olamjahon-olamjahon naf bo‘ladi. 
Men kattalardan nordon-nordon gaplar eshitdim. 
Ammo dalalarimga eskisini soldim. G‘o‘zalarim ostini haydadim. 
Traktor tishlari tegmayin o‘tmish g‘o‘za uya oralari ko‘p-ko‘p qoldi. 
G‘o‘za uya oralari ana shundayin qola bersa — hosil cho‘g‘siz-cho‘g‘siz bo‘ladi. 
Men g‘o‘za uya oralarini ketmonim bilan yumshatib-yumshatib oldim. 
Pushta tuproqni egatlab tushirdim. Egat tuproqni pushtalab oldim. 
Oqibat — pushtada to‘planib-to‘planib yotmish oziq moddalar g‘o‘zalarim ostiga tushdi. 
G‘o‘zalarim avj-avj o‘sdi. 
11 
Og‘ilimizni biryog‘i qiyshayib qoldi. 
Men qarab-qarab qo‘ydim. Bu yil qishni o‘tkazar, deya o‘yladim. Ammo men o‘ylamishday 
bo‘lmadi. 
Qiyshaymish devor belidan ag‘nab tushdi. 
Tabiatim tirriq bo‘ldi. 
Og‘il oldilab sim chiroq sudrab bordim. Tut ayrisiga chiroq ildim. 
Og‘ilxona yop-yorug‘ bo‘ldi. 
Ag‘namish devorni ketmon bilan maydaladim — loyxona etdim. 
Yotar vaqti-yotar vaqti ariq yoqalab bordim. 
Suv boshida quloqchi yo‘q bo‘ldi. 
Paxtaga bormish suvdan o‘g‘irlab keldim. 
Suv men bilan baravar loyxonalab keldi. 
Cholvorimni tizzalab lippa urdim. Kaftlarimni tupuklab ho‘lladim. Ketmon olib loy kirdim. 
Devor kesaklarni tepib-tepib loy etdim. Ketmon bilan urib-urib loy etdim. Tepkilab-tepkilab 
pishitdim. Ustidan suv sepdim. 
Saharda vaqtliroq turib devor uraman, deya niyatlandim. 
Ammo saharda uxlab qoldim. 
Esnab-esnab loyxona keldim. Loy qaradim-loy qaradim — nima qilishimni bilmadim. Devor 

---

Tog‘ay Murod. Otamdan qolgan dalalar (roman)