Microsoft Word togaymurod otamdan qolgan dalalar lotin ziyouz com doc

 
12
Yotar vaqti ayolimiz o‘ng oyog‘i boshmaldog‘ini ushlab-ushlab voy-voyladi. 

---

Tog‘ay Murod. Otamdan qolgan dalalar (roman) 
www.ziyouz.com
kutubxonasi 
81
Ayolimiz boshmaldog‘ini onamizga tutdi. Onamiz yoruqqa solib qaradi. 
— Eb-e-y! — dedi. — Tirnoq ko‘chibdi, boshmaldog‘ingni tirnog‘i ko‘chibdi. Tirnog‘ingni olib 
yursang o‘lasanmi, qirilib ketgur! 
— Tirnoqqa qaraydigan vaqtmi, — dedi ayolimiz. Men ishonmayin qaradim. 
Chin, tirnoq chetlar qontalash-qontalash bo‘libdi. Chin, tirnoq uchlar ko‘tarilib-ko‘tarilib turibdi. 
— 
Dehqonqul, bor, qaychini olib kel, — dedi onamiz. 
Men qaychini olib keldim. 
Onamiz ko‘chgan tirnoqni qirt-qirtillatib olib tashladi. 
Ayolimiz ingrab yubordi 
— U-u-uh!.. —dedi. 
Onamiz qaychini ayolimizga uzatdi. 
— Ma, tirnoqlaringni ol, — dedi. Ayolimiz qaychini qo‘li bilan qayirdi. 
— Dardim tirnoqmi, — dedi. — O‘zi, uyqum kelib, o‘lib borayapman. 
— Kel, unda o‘zim olib qo‘yayin. 
Onamiz ayolimiz oyoqlarini tizzasiga oldi. Tirnoqlariga qaychi soldi. 
Ayolimizni oyoqlari... turli-tuman bo‘ldi! 
Bebilchagidan yuqorisi osma qovundayin to‘r-to‘r qora bo‘ldi. 
Kalishdan tashqari yurgich joyi ana shunday to‘rlama-to‘rlama bo‘ldi. 
Bebilchagidan pasti quyruqdayin oppoq-oppoq bo‘ldi. 
Kalish ichida yurgich joyi ana shunday quyruq-quyruq bo‘ldi. 
Ayolimiz tovonlari... qop-qora bo‘ldi! 
Ayolimiz tovonlari... tilim-tilim yoriq bo‘ldi! Qaqroq yerday-qaqroq yerday taram-taram yoriq 
bo‘ldi! 
Subhi sodiqqachayin zim-ziyo uyimizni oh oldi. 
— O-o-oh, oyog‘im!.. — deya uyqusiradi ayolimiz. — O-o-oh, oyoqqinam-a!.. — deya oh urdi 
ayolimiz. 
13 
Tag‘in dalalarimni begona o‘t bosdi. 
Qadamimda semizo‘t yoyilib yotdi. 
Semizo‘t o‘z oti o‘zi bilan yo‘g‘on-yo‘g‘on o‘t bo‘ldi. Barmoqday tanasi to‘la suv o‘t bo‘ldi. 
Semizo‘t yerda bor bo‘lmish namni so‘rib-so‘rib oldi. Semizo‘t yerda bor bo‘lmish gumusni 
shimib-shimib oldi. 
G‘umaylarni tag-tomiri bilan qo‘porib to‘daladim. Jarariqqa olib borib ko‘mib tashladim. 
Filquloq bargli itquloq yuldim. 
Ikki-uch bargli shalpangquloq yuldim. 
Sho‘rao‘t tortqilay berib qo‘llarim sasib-sasib qoldi. Sho‘rao‘t tortqilay berib dimog‘larim aksirib-
aksirib qoldi. 
Bir xushro‘y bargli o‘t bilan ro‘paro‘ bo‘ldim. 
O‘t bir bargi noparmon bo‘ldi, o‘t bir bargi qip-qizil bo‘ldi. O‘t uchida popugi-da bo‘ldi. Popugida 
g‘uj-g‘uj donalari-da bo‘ldi. 
Begona o‘t ko‘zimni oldi. Begona o‘t ko‘nglimni oldi. Begona o‘t zavq-shavqimni oldi. 
Yovvoyi tojixo‘roz ana shunday o‘t bo‘ldi! 
Tojixo‘roz doni shamolda uchsa — besh minggachayin bolalaydi. Tojixo‘roz doni suvda oqsa — 
besh yuz minggachayin bolalaydi. 
Erkak qamish ichida oppoq poxoldayin po‘pagi bo‘ladi. Shu po‘pagidan ichi mo‘rt bo‘ladi. Bir 
qayirib sindirsa bo‘ladi. 

---

Tog‘ay Murod. Otamdan qolgan dalalar (roman)