Microsoft Word sahih buhari1 ziyouz com doc

13-bob. Ilm o’rganuvchilar uchun ma’lum kunlarni belgilagan kishi to’g’risida.

 

 

Abdulloh ibn Mas’ud odamlarga payshanba kuni va’z aytar edilar.Bir kishi ularga 

dedi:”Ey Abdulloh, har kuni va’z aytishingizni juda ham istardim”. Abdulloh 

dedilar:”Sizlarga malol kelib qolishini istamasligim kunda va’z aytishdan meni 

qaytaradir. Rasululloh sallolohu alayhi va sallam bizlarga vaqti-vaqti bilan va’z 

aytganlaridek,men ham sizlarga vaqti-vaqti bilan va’z ayturmen”. 

 

14-bob. Alloh taolo kimga yaxshilikni ravo ko‘rsa, uni faqih qilgay

 

 

Muoviya raziyallohu anhu xutbada turib ushbu so‘zni Rasulullohdan eshitganman, deb 

aytdilar: «Alloh taolo kimga yaxshilikni ravo ko‘rsa, uni faqih (din olimi) qilgay, 

qasamyod qilib aytamanki, Alloh buni menga nasib aylaydi. Islom ummati Haq dini 

yo‘lida sobit bo‘lsa, toki Alloh taoloning o‘zi istamas ekan, ularga dushmanlik 

qilayotganlarning zarari tegmaydi».