Microsoft Word rizyozus solihiyn ziyouz com doc

Alloh 
nomi bilan qasam ichadilar. Bas, ulardan yuz o‘giringlar! Chunki ular 
nopokdirlar va qilib o‘tgan narsalarining 
(ya’ni, munofiqliklari) 
jazosiga joylari 
jahannamdir. Ulardan rozi bo‘lishlaringiz uchun sizlarga qasam ichadilar. Agar 
sizlar ulardan rozi bo‘lsangizlar ham, Alloh bu itoatsiz qavmdan hech rozi 
bo‘lmaydi» 
(Tavba surasi, 95-96-oyatlar). 
Biz uch nafarning ishimiz keyinga surilgan edi. Boshqalar qasam ichib bay’at 
qilishganida Rasululloh (s.a.v.) ulardan buni qabul qilib, ularga mag‘firat talab 
qilgandilar. Rasululloh (s.a.v.) bizni keyinga qoldirdilar, hatto Alloh taoloning O’zi: 
«O’sha uch kishining 
(tavbalarini qabul qildiki) ...» (Tavba surasi, 118-oyat) so‘zi 
bilan hukm qildi. Bu so‘zdagi «orqada qolganlar»dan maqsad g‘azotdan orqada 
qolganimiz emas, balki qasam ichib uzr aytib, uzrlari qabul qilinganlardan avf etilishida 
orqada qolganimizdir» Imom Buxoriy va Muslim rivoyatlari. 
Boshqa bir rivoyatda: «Rasululloh (s.a.v.) Tabuk g‘azotiga payshanba kuni chiqdilar, u 
zot g‘azotga payshanba kuni chiqishni yaxshi ko‘rardilar», deyiladi. 
Va yana boshqa bir rivoyatda aytiladi: «Rasululloh (s.a.v.) safardan keladigan 
bo‘lsalar, kunduzi choshgoh vaqtida kelib avval masjidga borar, ikki rakat namoz o‘qib, 
keyin o‘tirardilar». 
22/10. Imron ibn Husayn al-Xuzoiydan (r.a.) rivoyat qilinadi. Juhayna qabilasidan 
bo‘lgan bir ayol zinodan homilador bo‘lib, Rasululloh (s.a.v.) huzurlariga keldi. Va: «Ey 
Allohning rasuli, menga had (shar’iy jazo) lozim bo‘ldi. U jazoni menda qoim qiling», 
dedi. Rasululloh (s.a.v.) uning valiysini chaqirib: «Unga chiroyli muomalada bo‘l. Agar 
bolasini tug‘sa, mening huzurimga u ayolni olib kelgin», dedilar. Valiysi Rasululloh 
(s.a.v.) aytganlarini qildi. Ayol keltirilgach, Rasululloh (s.a.v.) u xotinning kiyimlarini 
bog‘lab, toshbo‘ron qilishga buyurdilar, hukm ijro etildi. So‘ngra Rasululloh (s.a.v.) unga 
janoza namozi o‘qidilar. Buni ko‘rgan Umar (r.a.): «Ey Allohning rasuli, zino qilgan 
ayolga ham namoz o‘qiysizmi?» deganlarida, u zot: «Bu ayol shu darajada tavba qildiki, 
agar Madina ahllaridan yetmishtasi orasida bu taqsim qilinsa, ularga mo‘l-ko‘l bo‘lardi. 
Sen o‘z nafsini Alloh azza va jallaga fido qilgandan ham afzal kishini ko‘rganmisan?» 
dedilar. Imom Muslim rivoyatlari. 
23/11. Ibn Abbos va Anas ibn Molikdan (r.a.) rivoyat qilinadi. Rasululloh (s.a.v.) 
«Agar odam bolasining bir vodiy tillasi bo‘lsa, u kishi ikki vodiy tillosi bo‘lishini yaxshi 
ko‘radi. Uning og‘zini qabr tuprog‘idan boshqa narsa to‘ldira olmaydi. Alloh tavba 
qiluvchilarning tavbasini qabul qiladi», dedilar. Imom Buxoriy va Muslim rivoyatlari. 
24/12. Abu Hurayradan (r.a.) rivoyat qilinadi. Rasululloh (s.a.v.): «Alloh taolo ikki 
kishining holiga kuladiki, ularning biri ikkinchisini o‘ldiradi. Va ikkisi ham jannatga kiradi. 
Biri musulmon bo‘lib, Alloh yo‘lida urushib o‘ldiriladi. Ikkinchisi o‘ldirgani uchun Allohga 
tavba qilib, musulmon bo‘lib, u ham shahid bo‘ladi», dedilar. Imom Buxoriy va Muslim 
rivoyatlari. 

---

Riyozus solihiyn. Abu Zakariyo Yahyo ibn Sharaf Navaviy