Microsoft Word quran uz ziyouz com doc

104. Oralaringizdan yaxshilikka (islomga) da’vat qiladigan, ibodat-itoatga 

buyuradigan va isyon-gunohdan qaytaradigan bir jamoat bo‘lsin. Ana o‘shalar 

najot topguvchilardir.  

 

105. Aniq hujjatlar kelganidan keyin bo‘linib ketgan va bir-birlari bilan ixtilof 

qilib, talashib-tortishgan kimsalar kabi bo‘lmangiz! Ana undaylar uchun ulug‘ 

azob bordir.  

 

106. (Qiyomat) kunida (mo‘minlarning) yuzlari oq bo‘lur, (kofirlarning) yuzlari 

qora bo‘lur. Endi yuzlari qora bo‘lgan kimsalarga: «Iymon keltirgandan keyin 

yana dindan chiqdingizmi? Bas, kofir bo‘lganingiz kasofatiga mana bu azobni 

totib ko‘ringiz», deyilur.  

 

107. Yuzlari oq bo‘lgan zotlar esa Allohning rahmati (jannati)da bo‘lib, o‘sha 

joyda abadiy qolajaklar.