Microsoft Word qisasi rabguziy ziyouz com doc

 Қатода раҳматуллоҳ айтадилар: "Қўлларини билакларига қадар кесдилар. 
Негаки, кўзлари ва кўнгиллари билан Юсуфнинг жамолини кўриб, оғриқни 
сезмадилар". 
 Ваҳаб ибн Мунаҳҳаб айтадилар: "Улар қирқ хотин эдилар, уларнинг тўққиз аёли 
ўлдилар". 
 - Субҳаноллоҳ! Бу одам боласи эмас, фариштанинг ердаги аксидир дейишди 
хотинлар. - Оллоҳ таоло ўзининг жамолини кўрсатиш мақсадида уни ерга 
жўнатдилар. 
 Зулайҳо кўрдики, хотинлар гўшт тўғрадиларми ё қўлларини тўғрадиларми, 
билмас эдилар. Бу манзарадан Зулайҳо кулди-да, Юсуфга "Уйга киргил!" деди. 
 - Қўлларингизга боқинг, - деди Зулайҳо хотинларга қараб. Кўрсалар 
ҳ
аммаларининг бармоқлари, билаклари бўғин-бўғинларидан кечилмиш, кийимлари 
қ
ип-қизил қонга бўяллмиш. - Сизлар бир мартагина кўриб, қўлларингизни 
тўғрадингизлар. Эрта-ю кеч уни кўриб турган ҳолда мен қандайин ҳам сабр 
қ
илайин?! Қандайин ҳам ошиқ бўлмайин?! Маломат қилишликка арзирмикан ё йўқ? 
 Хотинлар ҳижолатдан бошларини қўйи солдилар. Сўзлагудек ҳоллари қолмади. 
Зулайҳо таҳсинлар айтиб, кўп узрлар сўрашди. Зулайҳо қилган ишига иқрор бўлди. 

---

Қиссаси Рабғузий. Носируддин Рабғузий 
www.ziyouz.com кутубхонаси 
93
Айтдиларки, чироқни кўриб, ўзини ўтга урган парвонани маломат қиладилару, 
эртаси ўзлари ҳам парвона каби чироққа келиб қуйиладилар. 
 - Ўз қулингга ошиқ бўлдинг, Дея маломат қилдинглар, бундан тонмайин, - айбини 
тан олди Зулайҳо. - Юсуфни ҳузуримга чақириб, эшикларни беркитдим, кўйлаги 
этагини ҳам мен йиртдим. Аммо, Юсуф ўзини сақлади, менга бўйсунмади. 
Билингларки, бу Юсуф кўҳликдир, покизадир, ҳам зоҳид ва олимдир. Мен унинг 
кўнглига маъқул тушмадим, расво бўлдим, Эл маломатига учрадим, шарманда 
бўлдим. Агар у менинг буйруғимга итоат қилмаса, албатта зиндонга ташлатурман.