Microsoft Word Pochta aloqalari doc

 
NAZORAT SAVOLLARI 
 
1. Ustama to‘lovli pochta jo‘natmasi bu nima? 
2. Ustama to‘lovli pochta jo‘natmasi qabul qilish shartlarini aytib 
bering. 
3. Ustama to‘lovli pochta jo‘natmasini egasiga topshirish tartibi 
qanday? 
4. Ustama to‘lovli pul jo‘natmalari turlarini aytib bering. 
5. Ustama to‘lovli pochta jo‘natmalarini oluvchiga berish tartibi 
qanday? 
 
 
2.8 To‘plamli ichki pochta jo‘natmalari va pul o‘tkazmalari 
 
Korxona, tashkilot, muassasa va jismoniy shaxslar tomonidan bir 
yoki bir nechta manzilga jo‘natish uchun ro‘yxatga olinadigan pochta 
jo‘natmalari, shuningdek 5 dona va undan ortiq bo‘lgan pul 
o‘tkazmalari to‘plamli deb ataladi. 
To‘plamli pochta jo‘natmalari, pul o‘tkazmalari pochta aloqasi 
obyektlariga 103-shakldagi ro‘yxatlar bilan topshiriladi. Jo‘natuvchi 
tomonidan bitta ro‘yxatga 40 tadan ortiq bo‘lmagan bir xil turdagi 
pochta jo‘natmalari (pul o‘tkazmalari – 50 tagacha) nomma-nom 
yoziladi. Bir manzilga 10 va undan ortiq posilka mavjud 103-shakldagi 
ro‘yxatni to‘ldirish va rasmiylashtirish namunasi bo‘lganda (katta 

---

 
117
o‘lchamli va og‘ir vaznli – 10 tagacha) jo‘natuvchi ularni mo‘ljallangan 
manzilgacha to‘g‘ridan-to‘g‘ri guruhlarga ajratadi va har bir guruhga 
alohida 103-shakldagi ro‘yxatni tuzadi. Bir vaqtda, bir necha ro‘yxat 
bo‘yicha jo‘natiladigan pochta jo‘natmalari, pul o‘tkazmalarining soni, 
posilkalardan tashqari, chegaralanmaydi. Tezkor (telegraf) pul 
o‘tkazmalari alohida 103-shakldagi ro‘yxat bo‘yicha topshiriladi. 
To‘plamli posilkalarni qabul qilish pochta aloqasi hududiy 
tashkilotlari yoki pochta aloqasi obyektlari (pochta aloqa bog‘lamalari, 
pochtamtlar) va korxona, tashkilot, muassasalar o‘rtasida tuziladigan 
shartnoma bilan tartibga solinadi. 
To‘plamli posilkalar pochta aloqasi obyektining ish tartibini 
hisobga olgan holda, shartnomaning ajralmas qismi hisoblangan 
jadvalga muvofiq bo‘lgan muddatda va hajmda qabul qilinadi. 
Posilkalarni topshirish jadvali pochta aloqasi hududiy tashkilotlari yoki 
pochta aloqasi obyektlari (pochta aloqa bog‘lamaari, pochtamtlar) bilan 
yiliga ikki marta, pochta tashishning yangi jadvallari amalga 
kiritilishidan kamida 10 kun ilgari kelishib olinadi. 
To‘plamli posilkalarni qabul qilish yopiq turdagi aloqa bo‘limlari 
yoki aloqa xodimlari tomonidan to‘g‘ridan-to‘g‘ri korxona, tashkilot, 
muassasalarda, shuningdek pochta aloqasi hududiy tashkilotining 
almashuv punktlari yoki shu maqsad uchun maxsus ajratilgan aloqa 
bo‘limlari tomonidan amalga oshiriladi. 
Bir oyda 10 ming va undan ortiq posilkalar jo‘natuvchi korxona, 
tashkilot va muassasalar pochta aloqasi obyektlariga transport uchun 
kirish yo‘laklari hamda to‘plamli posilkalarga mexinizatsiyalashgan 
ishlov berishni ta’minlash uchun texnologiya uskunalari mavjud 
bo‘lgan ishlab chiqarish binolarini ajratishlari mumkin. 
Posilkalarni qabul qilishni to‘g‘ridan-to‘g‘ri korxona, tashkilot va 
muassasalarda tashkil etishda, shu jumladan yopiq turdagi aloqa 
bo‘limi tomonidan xizmat ko‘rsatilganda ham, jo‘natuvchi pochta 
aloqasi hududiy tashkiloti yoki pochta aloqasi obyekti (pochta aloqa 
bog‘lamasi, pochtamt) bilan shartnoma bo‘yicha pochta vagonlariga 
posilkalarni to‘g‘ridan-to‘g‘ri olib chiqish va topshirishni ta’minlaydi. 
Posilkalarni to‘g‘ridan-to‘g‘ri pochta vagonlariga topshirish imkoniyati 
bo‘lmaganda, ular jo‘natuvchi tomonidan pochta aloqasi hududiy 
tashkilotlarining almashuv punktlariga topshiriladi. 
To‘plamli aviaposilkalarni qabul qilish aviakorxonalar bilan, 
odatda samolyotlarning to‘g‘ri reyslari orqali jo‘natish uchun kelishilib, 

---

 
118
kafolatlangan me’yorlar hajmiga qat’iy muvofiq holda amalga 
oshirilishi kerak. 
To‘plamli pochta jo‘natmalari bo‘lgan konteynerlar 
quyidagilarga bo‘linadi: 
a) bitta manzildagi pochta aloqasi obyektiga jo‘natiladigan 
to‘plamli posilkalar bo‘lgan konteynerlar; 
b) pochta vagonlari yoki samolyot reyslari yo‘nalishlarning man-
ziliga pochtani konteynerlarda pochta vagoni yoki samolyotga to‘g‘ri-
dan-to‘g‘ri topshiriladigan to‘plamli posilkalari bo‘lgan konteynerlar. 
Konteynerlar pochta aloqasi obyektlarida to‘g‘ridan-to‘g‘ri 
pochta saralanadigan ish joylaridagi to‘plamli posilkalar guruhlaridan 
tuziladi. Pochta aloqasi obyekti konteynerlarga ikki va undan ortiq 
posilkalar guruhini joylashtirganda, har bir guruhni indekslashga 
majbur. Konteynerlar pochta aloqasi obyektlari tomonidan 
plombalanadi. Yukli va bo‘sh konteynerlarni yuklash, tashish va 
bo‘shatish jo‘natuvchi – korxona, tashkilot va muassasasalar qoshidagi 
yopiq turdagi aloqa bo‘limlaridan tashqari, pochta aloqasi 
obyektlarining kuchi va mablag‘lari bilan amalga oshiriladi. 
103-shakldagi ro‘yxatlar korxona, tashkilot va muassasalar to-
monidan tayyorlanadi. Ro‘yxatlar bosma usulda yoki ruchka bilan 
qo‘lda to‘ldiriladi: buyurtmali banderollar, buyurtmali xatlar va buyurt-
mali pochta varaqchalarini berishda – bir nusxada, ro‘yxatga olinadigan 
boshqa pochta jo‘natmalari, pul o‘tkazmalarini berishda – ikki nusxada, 
aloqa xizmatlari uchun oldindan to‘langan pul hisobiga pochta 
jo‘natmalarini berishda ro‘yxatlarning soni 1 nusxaga ko‘paytiriladi. 
Ro‘yxatning 1-5-ustunlarini – jo‘natuvchilar, 6-9-ustunlarini esa aloqa 
xodimlari to‘ldiradilar. 
Ro‘yxatga olinadigan pochta jo‘natmalari, pul o‘tkazmalari 
ro‘yxatlarga nomma-nom yoziladi. Pul o‘tkazmalarini vakolatlangan 
vakillarning manzillariga jo‘natishda ro‘yxat ustiga «Vakolatli 
vakiliga» deb yozib qo‘yiladi. 
«Harbiy qism», «Pochta qutisiga» manzili bo‘lgan pochta 
jo‘natmalarini jo‘natishda ikkinchi ustunda «Harbiyga oid», «Pochta 
qutisiga» degan tegishli belgi qo‘yiladi, uchinchi ustun esa to‘l-
dirilmaydi. 
103-shakldagi ro‘yxatlarda pul o‘tkazmalarining umumiy 
summasi raqam va so‘z bilan yozib ko‘rsatiladi.