Microsoft Word Pochta aloqalari doc

bayon qilingan qo‘shimchalarni hisobga olgan holda ichki pul 
o‘tkazmalari uchun belgilangan tartibda to‘lanadi. 
•  Jo‘natuvchi yoki oluvchining jo‘natish ma’lumotlari to‘liq 
bo‘lmagan oddiy xalqaro pul o‘tkazmalarini qidirish bo‘yicha arizasi 
qarab chiqish uchun qabul qilinmaydi. 
•  Oddiy xalqaro pul o‘tkazmalarini dalolatnomalar bo‘yicha 
to‘lash O‘zbekiston Respublikasi hududida ham, manzillangan davlatda 
ham oddiy xalqaro pul o‘tkazma blankasi yo‘qotilgan hollarda amalga 
oshiriladi. 
•  Jo‘natilgan oddiy xalqaro pul o‘tkazmalarini  jo‘natuvchiga 
dalolatnomalar bo‘yicha to‘lash quyidagi hollarda amalga oshiriladi: 
– oddiy xalqaro pul o‘tkazmasi PO‘NQMda shartli to‘lovdan 
o‘tmagan va O‘zbekiston Respublikasi hududida yo‘qotilgan; 
– oddiy xalqaro pul o‘tkazmasi PO‘NQM orqali shartli to‘lovdan 
o‘tgan, belgilangan davlatga yuborilgan, u yerdan PO‘NQMga 
qaytarilgan va O‘zbekiston Respublikasi hududida yo‘qotilgan. 
Kelgan oddiy xalqaro pul o‘tkazmalari bo‘yicha dalolatnomaga 
ko‘ra oluvchiga pul to‘lash oddiy xalqaro pul o‘tkazmasi PO‘NQMda 
shartli qabul qilishdan o‘tganda va O‘zbekiston Respublikasi hududida 
yo‘qotilgan hollarda amalga oshiriladi. 
Oddiy xalqaro pul o‘tkazmasi blankasi O‘zbekiston Respublikasi 
ichida yo‘qotilganda PO‘NQM ma’lumotiga muvofiq dalolatnoma 
bo‘yicha pul to‘lash to‘g‘risidagi masala: 
– keluvchi oddiy xalqaro pul o‘tkazmalari bo‘yicha – belgilangan 
joy pochta aloqasi hududiy tashkiloti yoki pochta aloqasi obyekti 
(pochta aloqa bog‘lamasi, pochtamt) tomonidan; 

---

 
165
– jo‘natilayotgan oddiy xalqaro pul o‘tkazmalari bo‘yicha – qabul 
qilingan joydagi pochta aloqasi hududiy tashkiloti yoki pochta aloqasi 
obyekti (pochta aloqa bog‘lamasi, pochtamt) tomonidan hal qilinadi. 
Oddiy xalqaro pul o‘tkazmasi blankasi O‘zbekiston Respub-
likasidan tashqarida yo‘qotilganda dalolatnoma bo‘yicha pul to‘lash 
to‘g‘risidagi masalani hal qilish uchun bundan keyingi qidiruv ishlari 
PO‘NQM tomonidan amalga oshiriladi. 
Agar pochta aloqasi hududiy tashkiloti yoki pochta aloqasi 
obyekti (pochta aloqa bog‘lamasi, pochtamt) tomonidan jo‘natuvchi 
yoki oluvchiga O‘zbekiston Respublikasi hududida dalolatnoma 
bo‘yicha pul to‘lash imkoni bo‘lmagan hollarda PO‘NQM bilan 
birgalikda oddiy xalqaro pul o‘tkazmasi jo‘natilgan yoki qabul qilgan 
davlatda oluvchi yoki jo‘natuvchiga pul to‘lash choralari ko‘riladi. 
Oluvchi yoki jo‘natuvchidan oddiy xalqaro pul o‘tkazmasi 
bo‘yicha pullarning olinmaganligi to‘g‘risida ariza tushganda qabul 
qilish joyi (shartli qabul qilingan joy) pochta aloqasi hududiy 
tashkilotida yoki pochta aloqasi obyektida o‘tish muddatini hisobga 
olgan holda tekshirish o‘tkaziladi va pul to‘lash uchun dalolatnomani 
keyingi rasmiylashtirilishi amalga oshiriladi. 
Respublikadan tashqarida to‘lanishi kerak bo‘lgan oddiy xalqaro 
pul o‘tkazmasi bo‘yicha pul to‘lashga PO‘NQM, pochta aloqa hududiy 
tashkiloti yoki pochta aloqasi obyekti (pochta aloqa bog‘lamasi, 
pochtamt)da tuzilgan dalolatnomani PO‘NQM belgilangan 
mamlakatning xalqaro pul o‘tkazmalariga ishlov berish punktiga 
yo‘llaydi. 
Pul ikki marta to‘langan hollarda (oddiy xalqaro pochta pul 
o‘tkazmasi blankasi va dalolatnoma bo‘yicha) moddiy javobgarlik ikki 
marta pul to‘lash uchun aybdor bo‘lgan pochta aloqasi hududiy 
tashkiloti yoki pochta aloqasi obyekti (pochta aloqa bog‘lamasi, 
pochtamt) xodimlari zimmasiga yuklatiladi.