Microsoft Word Pochta aloqalari doc

 
2.5.3 Xizmatga oid pochta jo‘natmalari 
 
Madad pullari va kassaning belgilangan me’yoridan ortiq qoldiqlari 
bo‘lgan qiymati e’lon qilingan xat (brezent sumka)lardan tashqari, og‘irligi 
cheklanmaydigan, xizmatga oid pochta jo‘natmalarining o‘rab joylanishi, 
o‘lchami, og‘irligi va manzillanishiga umumiy talablar qo‘yiladi. 
Pochta jo‘natmalarini xizmatga oid bo‘lgan toifada jo‘natish 
huquqidan «O‘zbekiston pochtasi» Ochiq asiyadorlik jamiyati, pochta 
aloqasining hududiy tashkilotlari va pochta aloqasi obyektlari 
foydalanadilar. 
Xizmatga oid barcha pochta jo‘natmalarida hamma uchun umumiy 
bo‘lgan belgilardan tashqari, manzil tomonining yuqori o‘ng burchagiga 
bosmaxona usulida tamg‘a izi tushiriladi yoki qo‘lda «Xizmatga oid», agar 
ular chet elga jo‘natilayotgan bo‘lsa, «Servise des postes» deb yoziladi. 
Xizmatga oid buyurtmali pochta jo‘natmalari 3-shakldagi daftardan 
kvitansiya berish yoki o‘rovda ko‘rsatilgan jo‘natish raqamlari bo‘yicha 
jo‘natuvchi tomonidan tuzilgan (103-shakldagi ro‘yxat) 11-shakldagi 
reestrning ikkinchi nusxasiga imzo qo‘yish bilan qabul qilinadi. 
Xizmatga oid qiymati e’lon qilingan xatlar, pul o‘tkazmalari va 
posilkalar kvitansiya daftarlariga belgilangan tartibda yoziladi. Madad 
pullari va kassadagi me’yordan ortiq qoldiqlari bo‘lgan qiymati e’lon 
qilingan xat (brezent xalta)lar, pochta to‘lovi belgilari qo‘yilgan qiymati 
e’lon qilingan xatlar, shuningdek PO‘NQMga jo‘natilayotgan, to‘langan 
pul o‘tkazmali qiymati e’lon qilingan xatlar bundan mustasno, ular 1-
shakldagi daftarga yozilmay, 16-shakldagi yukxatga ilova qilingan holda 
pochta aloqasi obyektiga topshiriladi.  
Xizmatga oid qiymati e’lon qilingan xatlar va posilkalarni 1-
shakldagi daftarga, pul o‘tkazmalarini esa 5-shakldagi daftarga yozishda 
kvitansiyaning «Alohida belgilari» satrida «Xizmatga oid» deb ko‘r-
satiladi. 
Xizmatga oid pochta jo‘natmalari, pul o‘tkazmalari quyidagi 
xususiyatlarni hisobga olgan holda, hamma uchun umumiy bo‘lgan 
tartibda ishlov beriladi, jo‘natiladi va topshiriladi: 
a) keluvchi qiymati e’lon qilingan xatlar va qiymati e’lon qilingan 
banderollar, posilkalar ularni qabul qilish uchun ajratilgan aloqa 

---

 
103
xodimiga beriladi. Topshirish ular kelib tushgan 16-shakl yukxatiga 
imzo qo‘ydirish orqali, yirik pochta aloqasi korxonalarida esa 16-
shakldagi maxsus tuzilgan yukxat bo‘yicha amalga oshiriladi; 
b) madad pullari va kassaning me’yoridan tashqari qoldiqlari 
bo‘lgan qiymati e’lon qilingan xat (brezent xalta)lar asosiy (bosh) 
kassaga pochta aloqasidan foydalanuvchi korxonalar tomonidan beriladi; 
v) keluvchi buyurtmali pochta jo‘natmalar ular yozilgan 11-
shakldagi reestrga imzo qo‘ydirib yoki 8-shakldagi daftar bo‘yicha, 
pochta aloqasining yirik obyektlarida esa, maxsus tuzilgan reestr 
bo‘yicha beriladi; 
g) ushbu obyekt manziliga keluvchi xizmatga oid pochta 
jo‘natmalari, pul o‘tkazmalariga xabarnoma yozilmaydi.