Microsoft Word Pochta aloqalari doc

ega bo‘lishi kerak. 
Ishonchnoma bir taqvim yilidan ortiq bo‘lmagan muddatga beriladi 
va u har safar pochtani qabul qilib olayotganda uni ko‘rsatishi shart 
bo‘lgan harbiy pochtalyonda turadi. Ushbu ishonch qog‘ozi uchun to‘lov 
haqi olinmaydi. 
Bitta harbiy pochtalyon bir nechta harbiy qism va muassasalar uchun 
xat-xabarlarni qabul qilib olish vaqtida, har bir harbiy qism 
(muassasa)larga tegishli bo‘lgan gerbli dumaloq muhrlar bilan 
tasdiqlangan harbiy pochta jo‘natmalarini qabul qilish huquqini beruvchi 
ishonchnomani ko‘rsatishi kerak. 
Harbiy qismlar va ularning shaxsiy tarkibi nomiga manzillangan 
buyurtmali xat-xabarlar; «Yo‘llanma bilan», «Chipta bilan», «Hujjatlar 
bilan» belgili qiymati e’lon qilingan xatlarga birlamchi xabarnomalar, 
harbiy qismlar va ularning shaxsiy tarkibiga manzillangan tezkor (telegraf) 
pul o‘tkazmalari, shuningdek harbiy qism (muassasalar) manziliga 
yo‘llangan qiymati e’lon qilingan posilkalar va banderollarga birlamchi 
xabarnomalar hamda barcha ikkilamchi xabarnomalar 8-shakldagi 
daftarga yoki 11-shakldagi reestrga nomma-nom yoziladi. 
Harbiy qismlarning raqamlari 8-shakldagi daftarda ko‘rsatilmaydi. 

---

 
99
Harbiy pochtalyonlarga pochta jo‘natmalari quyidagi tartibda 
beriladi: 
a) harbiy qismlar va ularning shaxsiy tarkibi nomiga manzillangan 
oddiy xat-xabarlar, qiymati e’lon qilingan xatlarga birlamchi 
xabarnomalar, oddiy pul o‘tkazmalari (talonlar bilan birga), shuningdek 
harbiy qismlarning shaxsiy tarkibi nomiga manzillangan qiymati e’lon 
qilingan banderollarga birlamchi xabarnomalar va posilkalar – tilxatsiz. 
Zarur bo‘lganda, pochta aloqasi hududiy tashkiloti yoki pochta aloqasi 
obyekti (pochta aloqa bog‘lamasi, pochtamt)ning rahbari harbiy qismlarga 
manzillangan oddiy xat-xabarlarni 8-shakldagi daftarga imzo qo‘yib berish 
tartibini kiritishlari mumkin; 
b) harbiy qismlar va ularning shaxsiy tarkibi nomiga manzillangan 
buyurtmali xat-xabarlar, «Yo‘llanma bilan», «Chipta bilan», «Hujjatlar 
bilan» belgili qiymati e’lon qilingan xatlarga birlamchi xabarnomalar, 
tezkor (telegraf) pul o‘tkazmalari, shuningdek barcha ikkilamchi 
xabarnomalar 8-shakldagi daftarga yoki 11-shakldagi reestrga imzo 
qo‘yib, ularning sonini so‘z bilan, olingan sanasi va ularning holatini 
ko‘rsatgan holda. Masalan: «2010 yil 25 martda bir yuz o‘nta pochta 
jo‘natmasini butun holda qabul qilib oldim, harbiy pochtalyon Xasanov». 
Harbiy qism va muassasalarning shaxsiy tarkibi nomiga 
manzillangan posilkalar, qiymati e’lon qilingan xatlar va qiymati e’lon 
qilingan banderollar pochta aloqasi obyektlarida shaxsan oluvchiga yoki 
ularning bir martalik ishonchnomalari, shuningdek vakolatlangan harbiy 
qism va muassasalar orqali tashkiliy suratda 2-shakldagi reestr-
ishonchnomalari bo‘yicha beriladi. 
Harbiy qism (muassasalar)ga manzillangan posilkalar, qiymati e’lon 
qilingan xatlar va qiymati e’lon qilingan banderollar qism (muassasa) 
qo‘mondoni va moliya idorasining boshlig‘i tomonidan imzolangan bir 
martalik ishonchnomalar orqali beriladi. Ishonchnomalar qism 
(muassasa)ning gerbli muhr izi bilan tasdiqlanishi kerak. 
Bankda hisob raqamiga ega bo‘lgan harbiy qism (muassasa)larning 
nomiga manzillangan pul o‘tkazmalari bo‘yicha pul miqdori qancha 
bo‘lishidan qat’iy nazar ularning hisob raqamlariga o‘tkaziladi. Bankda o‘z 
hisob raqamiga ega bo‘lmagan harbiy qism (muassasa)larga pul 
o‘tkazmalari oluvchilarning yozma arizalari bo‘yicha ularni ta’minlovchi 
qism (muassasa)larning hisob raqamlariga o‘tkazish yo‘li orqali to‘lanadi. 
Harbiy qismlarning shaxsiy tarkibi nomiga manzillangan pul 
o‘tkazmalari qo‘yidagicha to‘lanadi: 

---

 
100
a) oluvchilarning shaxsan o‘ziga yoki ularning bir martalik 
ishonchnomalari bo‘yicha; 
b) harbiy qism (muassasa)ning moliya idorasi boshlig‘i (vakili) 
orqali pul o‘tkazmasi summasini bankdagi hisob raqamiga 3-shakldagi 
reestr bo‘yicha tashkiliy ravishda o‘tkazish yoki vakolatli vakilining 3-
shakldagi reestrni va nazorat pul daftarchasini ko‘rsatish orqali (agar 
harbiy qism yoki muassasa bankda o‘z hisob raqamiga ega bo‘lmasa) naqd 
pul berish yo‘li bilan. Keyingi holda 3-shakldagi reestrda harbiy qism 
(muassasa) qo‘mondonining imzosidan avval qo‘yidagi namuna bo‘yicha 
ishonchnoma yoziladi: «Ushbu reestrga kiritilgan pul o‘tkazmalari 
bo‘yicha 810 so‘m 00 tiyin, sakkiz yuz o‘n so‘m 00 tiyin summasidagi pulni 
Rustam Olimovich Ortiqovning olishiga ishonch bildiriladi, uning o‘z qo‘li 
bilan yozilgan «Ortiqov» imzosi tasdiqlanadi». 
2, 3-shakldagi reestrlar harbiy qism (muassasa) tomonidan ikki 
nusxada tuziladi, qism qo‘mondoni va moliya idorasining boshlig‘i 
tomonidan imzolanib, gerbli muhr izi bilan tasdiqlanadi hamda pochta 
aloqasi hududiy tashkiloti yoki pochta aloqasi obyektiga xabarnoma bilan 
birga, harbiy pochtalyon yohud qismning vakolatlangan vakiliga 
xabarnomalar topshirilgan kundan boshlab 3 kecha-kunduz muddatdan 
kechiktirmay taqdim etiladi. Reestr blankalari harbiy qism (muassasa)lar 
tomonidan tayyorlanadi. 
Harbiy qism (muassasa)ning vakolatli vakilidan 2- va 3-shakldagi 
reestrlarni qabul qilishda aloqa xodimi qo‘yidagilarni tekshiradi: 
a) reestrlarning to‘g‘ri tuzilgani va rasmiylashtirilganligini hamda 
reestrda yozilgan pochta jo‘natmalari, pul o‘tkazmalariga xabarno-
malarning mavjudligini; 
b) 3-shakldagi reestrda hisoblangan pul o‘tkazmalarini soni va 
summasi yakunlarining to‘g‘riligini hamda ularning xabarnomalar 
bo‘yicha summa yakunlariga mos kelishini. 
Undan keyin vakolatlangan vakilning shaxsiy guvohnomasidagi 
yoki harbiy daftarchadagi imzosi reestrdagi imzosi bilan solishtiriladi va 
reestrning birinchi nusxasida ko‘rsatilgan hujjat to‘g‘risida ma’lumotlar 
yoziladi. Masalan: «10505 - harbiy qism tomonidan 2010 yil 15 martda 
berilgan 40723 - raqamli DP seriyali shaxsiy guvohnoma ko‘rsatildi». 
Pul o‘tkazmalarini naqd pul bilan to‘lashdan avval aloqa xodimi 
harbiy qism (muassasa)ning vakolatlangan vakili nazorat-pul daftarchasiga 
pul to‘langan sanani, 3-shakldagi reestr raqami va pul o‘tkazmalarining 
umumiy summasini raqamlar hamda so‘zlar bilan yozib chiqadi. 

---

 
101
Yozuv aloqa xodimining imzosi va taqvim tamg‘asining izi bilan 
tasdiqlanadi. 
Harbiy qism (muassasa)ning vakolatlangan vakili pochta 
jo‘natmalari, pul o‘tkazmalarini olganligi to‘g‘risida 2-shakldagi reestr-
ishonchnomaning birinchi nusxasiga imzo qo‘yadi. Pul o‘tkazmalari 
bo‘yicha naqd pul olganlik to‘g‘risida u 3-shakldagi reestrning birinchi 
nusxasiga va pul o‘tkazmasining har bir blankasiga imzo qo‘yadi. Ushbu 
holatda, uning har bir xabarnomaga imzo qo‘yishi talab qilinmaydi. 
Reestrlarning birinchi nusxalari xabarnomalar bilan birga pochta 
aloqasi obyektida qoladi, pochta jo‘natmasini bergan yoki pul o‘tkazmasini 
to‘lagan aloqa xodimining imzosi va taqvim tamg‘a izi bilan tasdiqlangan 
ikkinchi nusxalari esa vakolatlangan vakilga qaytariladi. 
Reestr-ishonchnoma berilgan pochta jo‘natmasi yoki to‘langan pul 
o‘tkazmalariga tegishli xabarnomalarning biriga qo‘shib qo‘yiladi, 
qolganlariga esa reestr-ishonchnoma qo‘shib qo‘yilgan xabarnomaning 
raqamiga havola qilingan belgi qo‘yiladi. 
Pul o‘tkazmalari bo‘yicha pullar harbiy qism (muassasa)dan 3-
shakldagi reestr olingandan keyingi kundan kechiktirmay bank orqali 
o‘tkaziladi. Harbiy qism (muassasa)ning hisob raqamiga pul o‘tkazish va 
pul o‘tkazmalarini rasmiylashtirish umumiy o‘rnatilgan tartibda amalga 
oshiriladi. 
3-shakldagi reestrning 1- va 2-nusxalarida pochta aloqasi hududiy 
tashkiloti yoki pochta aloqasi obyekti (pochta aloqa bog‘lamasi, pochtamt) 
tomonidan pul o‘tkazilganligi to‘g‘risida belgi qo‘yilib, aloqa xodimining 
imzosi va taqvim tamg‘a izi bilan tasdiqlanadi. 3-shakldagi reestrning 
birinchi nusxasi to‘langan pul o‘tkazmalarining xabarnomalariga tikib 
qo‘yiladi. 
Reestrning ikkinchi nusxasi harbiy qism (muassasa) vakiliga qaytarib 
beriladi. 
Tezkor (telegraf) pul o‘tkazmalarini to‘lashda 3-shakldagi reestrning 
ikkinchi nusxasida aloqa xodimi yozma xabarning mazmunini qo‘shimcha 
ravishda ko‘rsatadi (agar pul o‘tkazma telegrammasida u mavjud bo‘lsa). 
Harbiy qismlar va muassasalar pochta aloqasi hududiy tashkilotlari 
yoki pochta aloqasi obyektlaridan qabul qilingan ro‘yxatga olinadigan 
pochta jo‘natmalari hamda pul summalari uchun to‘liq moddiy 
javobgardirlar. 
Harbiy xizmatchi vaqtincha bo‘lmagan hollarda harbiy qism 
(muassasa) qo‘mondoni bu haqda pochta aloqasi hududiy tashkilotiga yoki 

---

 
102
pochta aloqasi obyektiga xabar beradi va pochta jo‘natmasi, pul 
o‘tkazmasini ma‘lum muddatga, lekin kelib tushgan vaqtidan boshlab, ikki 
oydan ortiq bo‘lmagan muddatga saqlab turishini so‘raydi.