Microsoft Word pc 3 ziyonet doc

Мавзу: Ахборот ташувчилар
Режа:

1. 
   Юмшоқ (Floppy) дисклар.
   
2. 
   Оптик дисклар (CD, DVD, Blue Ray).
   
3. 
   Флеш дисклар.
   
4. 
   USB-қаттиқ дисклар (USB-HDD).
   

Юмшоқ (Floppy) дисклар.
Яқиндагина дискеталар компютердан-компютерга ахборотни узатишда энг оммавий восита эди, сабаби Интернет ҳозиргидек тараққий этмаган, компютер тармоқларидан ҳам кенг фойдаланилмасди, компакт дисклардаги ёзувларни ўқиш қурилмалари жуда қиммат турарди. Дискеталардан ҳозирги вақтда жуда кам ҳолатларда бўлсада, фойдаланилади. Асосан турли ахборотларни сақлашда дискеталардан фойдаланилган.
Дискета — ахборотни портатив магнитли ташувчи қурилма бўлиб, нисбатан кичик ҳажмли маълумотларни кўп марталик ёзиш, сақлаш ва узатишда фойдаланилган. Мазкур ахборот тушувчи қурилмадан, айниқса, 1970-йилларнинг охиридан 1990-йилларнинг охиригача кенг фойдаланилган. «Дискета» атамасининг ўрнида баъзан ЭМД — «эгилувчан магнит диски» номидан фойдаланганлар (шунга мувофиқ дискеталар билан ишловчи қурилма ЭМДЖ — «эгилувчан магнит дискларининг жамловчиси» деб аталган).
Одатда, егилувчан магнит дискеталари пластик пластинкадан иборат бўлиб, усти ферромагнит қатлами билан қопланган, шу сабабли инглиз тилидаги номи «floppy диск» («эгилувчан диск»)дир. Мазкур пластинка пластмассали корпусга жойлаштирилган бўлиб, магнит қопламни ташқи жисмоний таъсирлардан ҳимоя қилади. Қобиғи юмшоқ егилувчан ёки қаттиқ бўлиши мумкин. Дискеталарга ёзиш ёки уни ўқиш махсус қурилма-эгилувчан диск дисководлари (floppy-дисковод) ёрдамида амалга оширилади.
Odatda, disketalar yozuvdan himoya funksiyasiga ega bo‘lib, uning yordamida faqat axborotni o‘qish rejimida foydalanishga taqdim etiladi. Mazkur qurilma axborot tashuvchi vositalar orasida keng ommalashib, uzoq yillar foydalanilgan. Keyinchalik an’anaviy disketalar qatorida magnitli optik axborot tashuvchilar, Iomega Zip, Iomega Jaz va boshqalar ishlab chiqildi va ommalashib bordi. Mazkur mahsulotlarning barchasini ba’zan disketa deb ataydilar. Hozirgi davrda disketalardan deyarli foydalanilmaydi.