Microsoft Word nurul yaqin ziyouz com doc

QO’SHIN YUBORISH 
 
Shu yilning rabbiul avval oyida payg‘ambar alayhis-salom Zotu Atloh degan joyga 
Ka’b ibn Umayr boshchiligida o‘n besh kishilik qo‘shin yubordilar. Musulmonlar borib yerli 
aholini islom diniga da’vat etdilar, lekin ular bu da’vatdan bosh tortib, urush e’lon qilishdi 
hamda bir hovuch islom elchilarini qilichdan o‘tkazishdi. Faqat Ka’b ibn Umayr tasodifan 
omon qolib, voqeadan rasulullohni ogoh etdi. Payg‘ambar alayhis-salom qattiq iztirob 
chekdilar. Mushriklardan o‘ch olish uchun qo‘shin yubormoqchi bo‘lib turganlarida, 
dushmanning o‘z o‘rnidan ketganligi haqida xabar keldi. Xabarni eshitgach niyatlaridan 
qaytdilar.