Microsoft Word navoiy farhod va shirin nazm lotin ziyouz com doc

www.ziyouz.com
kutubxonasi 
54
diltang bo‘lib, aning chorasi uchun to‘rt bog‘ tarhin solg‘oni va to‘rt qasr bino qilg‘onikim, shoyad 
bu bog‘lardin maqsud guli torilg‘ay va ul qasrlardin murod eshigi ochilg‘ay. 
Muhandiskim bu qasr obod qildi, 
Bu yanglig‘ tarhini bunyod qildi. 
Ki chun xoqong‘a ul kom o‘ldi hosil, 
Tarab bazmida orom o‘ldi hosil. 
Shabistonida ul sham’ o‘ldi ravshan 
Ki, bazmi gullaridin bo‘ldi gulshan. 
Necha ul sham’ bor erdi dilafro‘z. 
Vale ko‘p shu’la tortar erdi jonso‘z. 
O‘ti gohi chekar erdi zabona, 
Bo‘lub gohi sirishkim yuzda dona. 
Yuziga ishq har dam deb nihoni 
Ki, qilg‘umdur bu gulni za’faroniy. 
Qadig‘a g‘am yuki deb roz har dam 
Ki, qilg‘um bu «alif»ni «dol»dek xam. 
Ko‘ziga aytibon afsona qayg‘u 
Ki, bir kun ikisidin olg‘um uyqu. 
Boqib ko‘ngligau tahdid etib dard 
Ki, bu evdin chiqorg‘um oqibat gard. 
Ne ishkim charx etar izhorin oning, 
Burunroq ko‘rguzur osorin oning. 
Isitmoq chun sharorat zohir aylar, 
Badanda ul harorat zohir aylar. 
Chu yafrog‘ni to‘kar bodi xazoniy 
Burun rangini aylar za’faroniy. 
Angakim bir balo yetkursa taqdir, 
Yetar avvalroq ahvolig‘a tag‘yir. 
Aning, chun bor edi ollinda ko‘p ranj, 
Tarab ayyomi ham erdi alamsanj. 
Qachonkim aylabon ishratqa ohang, 
Dame no‘sh aylamakka jomi gulrang. 

---

Alisher Navoiy. Farhod va Shirin