Microsoft Word muminning sifatlari ziyouz com doc

 “Мўъмин мўъминнинг кўзгусидир. Ва мўъмин мўъминни орқасидан ҳам ҳимоя 
қиладиган ва уни қўллаб қувватлайдиган биродаридир”
5
. 
4
“Рамуз ал-аҳодис” 230\7; Бухорий, Адаб-ул муфрад, 1\252, 253\238 
5
“Рамуз ал-аҳодис” 230\8, ровий ҳазрати Абу Ҳурайра разийаллоҳу анҳу. 

---

Мўъминнинг сифатлари. Муҳаммад Зоҳид Қўтқу 
www.ziyouz.com кутубхонаси 
4
Сен биродаринг учун бир ойна эканингни унутма! У ҳам сен учун ойнадир. Сен ўзингни 
унда кўрасан. Биродарининг сиймосида кўрган нарсаси (яхшилик ва ёмонлик) мўъминга 
кифоядир. Биродарингда хайр-яхшилик кўрсанг, у хайр сеникидир. Агар яхшиликдан бошқа 
бир нарса кўрсанг, у ҳам сеникидир. 
Мўъмин мўъминнинг биродари эканлиги муборак Қуръони карим ояти билан собит бўлган. 
Исломий биродарлик туғишган ака-ука бўлишдан ҳам қийматлироқдир. Зинҳор биродаринг 
шаънига ёмон сўз айтма. Хато-ю камчиликлари туфайли унга қора чаплама. Ўз ака-укангни 
қандай ҳимоя қилсанг, диндош биродаринг шаънини ҳам шундай асра, ҳурмат қил. Доим 
қўлидан тут. Ёрдамга муҳтож бўлганида ҳолини сенга арз қилишини кутиб турмасдан ёрдам 
бер. Йўқса катта хато қилган бўласан.
Мўъмин киши биродарига қаерда дуч келса, унинг ҳолини сўрайди. Кези келганда, унинг 
яқинларини ҳимоя қилади. Шу зайлда биродарининг дунёсини ҳимоя қилар экан, 
маънавиятини ҳам муҳофаза қилади. Унинг ёмон жойларга боришига йўл қўймайди, гуноҳ 
ишлар қилишига асло рози бўлмайди. Уни ҳеч вақт ўз ҳолига ташлаб қўймайди. Доим унинг 
саодати ва омонлиги учун жон куйдиради. У йўқлигида унинг бола-чақасини ҳимоя қилади, 
таъминлайди. 
Ана шу юксак фазилатларга эга бўлган кишигина ҳақиқий ва комил мўъмин бўла олади. 
Ушбу хусуслар орқали мўъмин кишининг иймони нечоғли мустаҳкам экани билинади. Ҳар 
биримиз мазкур сифатлар билан сифатлансак, комил мўъмин даражасига етган бўламиз.