Microsoft Word Mineral va petro lat doc

Moos jadvalidagi minerallarning professor M.M.Xrushchev tomonidan aniqlangan mikro- qattiqlik qiymati

Talk	2,4	Ortoklaz	795
Gips	36	Kvars	1120
Kalsit	109	Topaz	1427
Flyuorit	189	Korund	2060
Apatit	536	Olmos	10060

Qattiqlikni aniqroq o‘lchaydigan usullar minerallarning turli tomonlari bo‘yicha har xil mikroqattiqlikga ega ekanligini tasdiqlashdi. Minerallar qattiqligi ularning ichki tuzilishlari bilan chambarchas bog‘langanligi isbotlandi.

Magnitlilik. Mavjud minerallarning juda oz qismigina magnitlilik xossasiga egadir va bu xususiyat minerallarning muhim diagnostik belgisi sifatida ahamiyatlidir.

Tarkibida temir, nikel, kobalt bo‘lgan minerallar magnitlilik xossasiga ega bo‘ladi.

Mineralda magnitlilik xossasining bor-yo‘qligi magnit strelkasi yordamida aniqlanadi. Minerallarni magnit strelkasiga yaqinlashtirganimizda, uni o‘ziga tortsa yoki qimirlatsa, bunday mineral magnit xossasiga ega bo‘ladi. Masalan, magnetit, gematit, pirrotin, pentlandit kabilar shular jumlasidandir.

Magnit strelkasidan tashqari temir qirindilari, mix va boshqa temir buyumlar yordamida ham minerallarning magnitlik xossasini aniqlasa bo‘ladi.