Microsoft Word mahtumquli ziyouz com doc

YUZIM YUVSAM YOSHLAR BILAN 
 
Ko‘ngil aytar: xalqdan qolib,  
Kezsam tog‘lar, toshlar bilan. 
Yozig‘imni yodga olib, 
Yuzim yuvsam yoshlar bilan. 
 
Har kim, ko‘rsam, bir peshada, 
Mening ko‘nglim andishada. 
Ko‘hisor ichra ko‘chada 
O’tirsam og‘ochlar bilan. 
 
Qari dunyo ol ichinda, 
Odamzod xayol ichinda, 
Jahon qol-maqol ichinda, 
Har kim yuz taloshlar bilan. 
 
Allohning ishqinda mastlar, 
Bas kelolmas zabardastlar, 
Ko‘ngil parvoz etar, do‘stlar, 
Tinmas yuz ilojlar bilan. 
 
Ko‘p ko‘ylar bilan o‘tirdim, 
Bilmadim, ne ish bitirdim, 
Gumroh bo‘lib, yo‘l yitirdim, 
O’tirdim bevoshlar bilan. 
 
Bekor qo‘yma umr taxtin, 
Uyg’otsak uxlagan baxtin, 

---

Saylanma. Maxtumquli 
 
 
www.ziyouz.com kutubxonasi 
69
Duo qilib sahar vaqti, 
Nolish qilsam qushlar bilan. 
 
Maxtumquli, tavfiq olsam, 
Bir pir topsam, qulluq qilsam, 
Ko‘ngil aytar: yo‘ldosh bo‘lsam, 
Dam chekkan darvishlar bilan.